Морин жилийн улсын шилдэг уяачид

А.Тэлмэн
2015 оны 2-р сарын 24 -нд

Мориор дамжсан үндэсний өв соёлоо түгээн дэлгэрүүлэгч уяачдынхаа амжилт бүтээлийг сар шинийн босгон дээр дүгнэж цэгнэдэг уламжлалтай. Энэ удаа ММСУХ зөвхөн улс бүсийн наадамд амжилт гаргасан уяачдыг бус орон нутгийнхаа наадамд одтой сайхан наадсан хийморилог эрхмүүдийг тодруулж, тэдэнд хүндэтгэл үзүүлсэн нь морин спортыг дэмжигчдээс талархал хүлээсэн юм. Ингээд эрхэм уншигч танаа хурд ирлэн төр түмнээ цэнгүүлэх үйлсдээ амжилт гаргасан Улаанбаатар хот, 21 аймгийн шилдэг уяачдыг танилцуулъя.

1.Шилдгийн шилдэг уяачаар:Төв аймгийн Сэргэлэн сумын уугуул, Монгол Улсын Манлай Уяач Ононгийн Батбилэг шалгарлаа. Тэрээр үндэсний их баяр наадмаас найман айраг, бүсийн уралдаанаас хоёр түрүү, найман айраг авсан амжилтаар ийнхүү нийт уяачдаа манлайллаа.
 2.Шилдэг залуу уяачаар:Төв аймгийн Баянцогт сумын уугуул Мөнхбатын Цэрэнжав шалгарлаа.Тэрээр үндэсний их баяр наадмаас нэг түрүү, нэг айраг, бүсийн уралдаанаас таван айраг авсан юм.
Орон нутгийн шилдэг уяачид
Архангай:
Булган  сумын уугуул, Хорлоогаравын Бямбадорж үндэсний их баяр наадам , бүсийн уралдаан , аймгийн уралдаанаас гурван түрүү , гурван айраг хүртсэн амжилтаар Архангайн уяачдаа магнайллаа.
Баянхонгор:Баацагаан сумын уугуул, аймгийн Алдарт уяач Сүрэнжавын Энхтөр шалгарлаа.Тэрээр үндэсний их баяр наадам , бүсийн уралдаан , аймгийн уралдаанаас таван түрүү, гурван айраг хүртэн аймгийнхаа шилдэг уяачаар шалгарчээ.
Баян-Өлгий:Ногооннуур  сумын уугуул, аймгийн МСУХ-ны тэргүүн Сайпгалигийн Шарив  бүс, аймгийн уралдаанаас нэг түрүү, нэг айраг хүртсэн амжилтаар бусдыгаа хошуучилсан байна.
Булган:Бүрэгхангай сумын уугуул Батхишигийн Дэндэвдорж аймаг, сумын уралдаанаас 11 түрүү, 25 айраг, хүртсэн амжилтаар Булган хангайн уяачдыг тэргүүлсэн байна.
Говь-Алтай:Шарга сумын уугуул, аймгийн Алдалт уяач  Рэгзээгийн Лхагвадорж бүсийн уралдаанаас нэг айраг, аймаг сумдын наадмаас нэг түрүү, зургаан айраг хүртэж, улсын хэмжээнд шилдгээр шалгарсан байна.
Говьсүмбэр:Сүмбэр сумын уугуул Цэдэвийн Энхжаргал аймгийн уралдаанаас дөрвөн айраг хүртэж, Говьсүмбэрийн уяачдаа төлөөлөн төрийн ордонд уригджээ.
Дархан: Дархан сумын уугуул Жамбалын Мөнхтөр бүсийн уралдаанаас хоёр айраг хүртэн бусдыгаа хошуучилжээ.
Дорноговь:Хатанбулаг  сумын уугуул, аймгийн Алдарт уяач Монхоодойн Жаргалсайханы Даншиг алаг азарга үндэсний их баяр наадамд долоод, бүсийн уралдаанд аман хүзүүдэж, аймгийн уралдаанаас нэг айраг хүртсэн амжилтаар 2014 оны шилдэг уяачаар шалгарсан байна.
Дорнод: Халхгол сумын уугуул, сумын Алдарт уяач Занданбалын Хилийнхүү бүсийн уралдаанаас хоёр айраг , сумын баяр наадмаас хоёр түрүү, нэг айраг хүртсэн амжилтаар ийнхүү Дорнодчуудыг тэргүүлсэн байна.
Дундговь:Адаацаг сумын уугуул, аймгийн Алдарт уяач Дашдэлэгийн Сүхбаатар шалгарлаа.Тэрээр үндэсний их баяр наадам , бүсийн уралдаанаас нэг түрүү, хоёр айраг хүртсэн юм.
Завхан:Цэцэн-Уул сумын уугуул Доржсүрэнгийн  Ганзориг аймаг , сумдын уралдаанаас есөн түрүү,12 айраг хүртсэн амжилтаар аймгийнхаа уяачдыг тэргүүлжээ.
Орхон: Баян-Өндөр сумын уугуул, аймгийн Алдарт уяач Доржийн Баясгалан шалгарлаа.Суман хүрэнгийн эзэн улс , бүсийн наадмаас нэг түрүү, нэг айраг хүртсэн юм.
Өвөрхангай:Баянгол сумын уугуул, аймгийн Алдарт уяач Төмөрпүрэвийн Ганзориг бүсийн уралдаанаас нэг түрүү, хоёр айраг , аймаг , сумын уралдаанаас хоёр түрүү, гурван айраг хүртэн бусдыгаа  хошуучилжээ.
Өмнөговь:Хүрмэн  сумын уугуул, аймгийн Алдарт уяач Шоовдорын Баянбат улсын наадмаас нэг айраг, аймаг , сумдын уралдаанаас нэг түрүү, гурван айраг хүртсэн амжилтаар өмнийн говьчуудаа тэргүүлжээ.
Сүхбаатар:Эрдэнэцагаан сумын уугуул  Эзэнмөнхийн Мөнх-Эрдэнэ бүсийн уралдаанаас хоёр айраг, аймгийн уралдаанаас нэг түрүү хүртсэн амжилтаар бичигдсэн байна.
Сэлэнгэ: Цагааннуур сумын уугуул МУ-ын Манлай уяач Хуваагийн Эрдэнэгэрэл аймаг, сумын  уралдаанаас нэг түрүү,14 айраг хүртсэн амжилтаар  шалгарчээ.
Төв:Сэргэлэн сумын уугуул, аймгийн Алдарт уяач Дамбийнямын Галбадрах аймаг, сумдын уралдаанаас есөн айраг хүртэн төрийн ордонд уригдсан байна.
Увс: Зүүнговь сумын уугуул, аймгийн Алдарт уяач Батаагийн Дамжин аймаг, сумын уралдаанаас таван түрүү, 13 айраг хүртэн, орон нутгийн уяачдаа тэргүүлсэн байна.
Ховд:Жаргалант сумын уугуул Мөнхсүлдийн Энх-Амгалан бүсийн уралдаанаас дөрвөн айраг, аймаг, сумын уралдаанаас нэг түрүү, хоёр айраг хүртсэн амжилтаар бусдыгаа хошуучилсан байна.
Хөвсгөл:Тосонцэнгэл сумын харъяат Мөнхөөгийн Бат-Очир шалгарлаа.
Хэнтий:Хэрлэн сумын уугуул Бадрахын Батцагаан аймаг, сумдын уралдаанаас гурван түрүү, хоёр айраг хүртэн хурдны өлгий нутгаа хийморилог уяачдаа хошуучилсан байна.
Улаанбаатар:Баянзүрх дүүргийн харъяат, аймгийн Алдарт уяач Үржинбадамын Атарсайхан бүсийн уралдаанаас нэг түрүү, хоёр айраг хүртэн хошуучилсан байна.
А.Тэлмэн

0 Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна