Дорнод аймгийн 2014 оны шилдэг салбар “Баянтүмэнгийнхурд” МСУХ

2014 оны  Дорнод аймгийн шилдэг салбар “Баянтүмэнгийнхурд” МСУХ-ны хамт олон шинэ оны “Холбоод” буланд оролцож байна. Тус холбоо өдгөөгөөс арван жилийн өмнө буюу 2005 онд байгуулагдаж, тухайн үеийн сумын Засаг дарга А.Энхтүвшин тэргүүнээр ажиллаж байжээ.Түүний дараа 2009-2013 оныг дуустал Б.Түмэнзаяа удирдан ажил үүргээ гүйцэтгэсэн бөгөөд 2014 оноос “ОАКС ЭКСПРЕСС МОНГОЛИА” ХХК-ийн захирал Ж.Цогтбаатар тэргүүнээр сонгогдон дараах шинэчилсэн зохион байгуулалттайгаар ажиллаж байна.
1. Ж.Цогтбаатар – Тэргүүн
2. Ц.Өлзийсайхан – Дэд тэргүүн
3. Н.Болдбаатар – Нарийн бичиг
4. Б.Хүрлээ – Тэргүүлэгч
5. Х.Арсланбаатар – Тэргүүлэгч
6. Ж.Батчулуун – Тэргүүлэгч
7. Ч.Энхбаяр – Тэргүүлэгч
8. Б.Түмэнзаяа – Тэргүүлэгч
9. С.Эрдэнэбаяр – Тэргүүлэгч
Баянтүмэн сумаас А.Дондов, Ц.Чойжинжав, О.Шадав, Д.Дугарсүрэн, Б.Хүрлээ, С.Гантөмөр нарын зургаан МУ-ын Алдарт уяач төрөн гарсан бөгөөд оны өмнөхөн МУ-ын Алдарт уяач А.Дондов, Ц.Чойжинжав нар Алтан гадас одонгоор энгэрээ мялаажээ.
Баянтүмэн сумын унаган хүлгүүдээс улс, бүс, “Их хурд“-ын дэвжээнээ шандсаа гайхуулан хурдалж, түрүүлж айрагдсан нь цөөнгүй бөгөөд зарим нэгнээс дурдвал:
*Хэнтий аймгийн Галшар суманд 1997 онд болсон Өвгөн ноён Хардэл жанжин бэйс Пүрэвжавын нэрэмжит зүүн бүсийн наадамд тоосоо өргөсөн 750 гаруй хурдан хүлгээс МУ-ын Алдарт уяач А.Дондовын борлог азарга айргийн дөрөвт
*1998 онд болсон шигшмэл морьдын “Их хурд-1” уралдаанд МУ-ын Алдарт уяач А.Дондовын ухаа морь нь есөд
*2001 онд болсон шигшмэл морьдын “Их хурд-2” уралдаанд аймгийн Алдарт уяач Д.Энхбаатарын /МУ-ын Тод манлай уяач Б.Жанчивд очсон/ сартай зээрд азарга аман хүзүү
*2007 оны шигшмэл морьдын “Их хурд-4” уралдаанд аймгийн Алдарт уяач Г.Дугарын Хув хүрэн азарга /МУ-ын Алдарт уяач Л.Батмөнхөд зарагдсан/ найм, 2008 оны “Дүнжингаравын хурд” хаврын бүсийн уралдаанд айргийн дөрөв, АХ-ын 87 жилийн төрийн их баяр наадамд айргийн дөрөв, 2008 онд Алтан овооны их тахилга наадамд айргийн гурав,
*АХ-ын 87 жилийн ойн улсын баяр наадамд МУ-ын Тод манлай уяач Т.Билэгдэмбэрэлийн борлог хязаалан дөрөв, 2008 оны Алтан овооны даншиг наадамд дөрөв, Булган аймгийн 70 жилийн ойн бүсийн наадамд айргийн гуравт хурдалсан. Энэ хурдан ажнай Баянтүмэн сумын багш Базарсадын Хүрлээгийн унаган адуу юм.
Мөн аймгийн наадамд дөрөв түрүүлж, хоёр айрагдсан МУ-ын Алдарт уяач олноо “Мод” хэмээн алдаршсан Б.Хүрлээгийн хар морь, А.Жамбаагийн ухаа азарга, Ж.Ёндонгийн Зэрэглээ бор, МУ-ын Алдарт уяач Ц.Чойжинжавын хээр, хүрэн, О.Шадавын хээр, Б.Дугарсүрэнгийн хээр, С.Гантөмөрийн Мэнгэт хээр, аймгийн Алдарт уяач Х.Арсланбаатарын Зул хонгор, С.Жадамбаагийн ухаа, хүрэн,  Д.Нямрагчаагийн саарал, н.Аргамжаагийн саарал, Ц.Буянтогтохын халтар, Ц.Отгонбаатарын Даншиг улаан, Н.Даваагийн алаг, Ж.Рэнцэнбямбаагийн хонгор, Ц.Өлзийсайханы шарга, сумын Алдарт уяач Мөнгөөгийн Соо хүрэн, И.Төгсмандахын Мөлүү хээр, Ш.Гансэлэмийн хонгор, В.Ганжаргалын хүрэн зэрэг хурдан хүлгүүд нутаг орны нэрийн хуудас болжээ.

"Тод магнай" сэтгүүл №61