“ТОД МАГНАЙ-2012” ЁСЛОЛЫН АЖИЛЛАГАА
Үндэсний өв соёл, түүх ёс заншлаараа бахдаж, Мон?олоороо омогшихын сэтгэл дундарсан хойч үеийн залуустаа ухаан, урам хайрлах хэтийн зорилго өвөртөлсөн “Тод магнай” сэтгүүл 2009 оны 9 сард анхны дугаараа нийтийн хүртээл болгож байсан билээ. Морьтон Монголчуудын мөнхийн омогшил хурдан хүлгэдийн хийморь далласан “Тод магнай” эдүгээ Монголын хамгийн олон уншигч захиалагчтай топ 10 сэтгүүлийн нэг болтлоо хүрээ тэлсэн нь бидэнд хийж бүтээхийн их урам хайрлаж, ташуур өгсөн юм. Тиймээс бид хэтийн зорилгодоо хүрэх хоёр дахь алхмаа хийхээр зориг шулуудан Монголын морин спорт уралдааны үндэсний холбоотой хамтран хурдан морины хөгжилд сэтгэл оюунаа чилээж байдаг эрхэм та бүхний дэмжлэгтэйгээр мориор дамжсан үндэсний өв соёлыг нийтэд түгээн дэлгэрүүлэх үйлсэд үнэтэй хувь нэмрээ оруулж буй зүтгэлтнүүдээ шагнаж урамшуулахаар шийдээд байна.
Мориор дамжсан их өвийг нийтэд түгээн дэлгэрүүлэх зорилготой “Тод магнай-2012” ёслолын ажиллагааг Монголын морин спорт уралдааны үндэсний холбоо, “Тод магнай” сэтгүүл, “Монгол морины гайхамшиг” сан, “todmagnai.mn” сайт хамтран 2012 оны 2 дугаар сарын 19-ний ням гарагт зохион байгуулахаар төлөвлөөд байгаа юм.
Ёслолын ажиллагааны шалгаруулалтын журам хэвлэл мэдээллийн хэрэгслээр нийтлэгдсэний дараа олон хүн зохион байгуулагчидтай холбогдож, нэр дэвшигчдийн болзол дээр уян хатан бодлого баримтлахыг санал болгосон юм. Мориор дамжсан үндэсний их өвийг түгээн дэлгэрүүлэгсдийг хөхүүлэн дэмжих зорилготой ёслолын ажиллагаа анх удаа зохиогдож буй тул шүүгчдийн зөвлөл зөвшилцөн тэрхүү саналуудыг харгалзан үзэж, “Төрийн их уяач” номинацид нэр дэвшигчдэд тавьж байсан шигшмэл морьдын “Их хурд” уралдааны үзүүлэлтийг хасаж, зөвхөн төрийн их баяр АХ-ын ойн баяр наадмуудын амжилтыг / 1990 оноос хойшхи/ нэг үзүүлэлт болгон өрсөлдөлүүлэхээр шийдвэрлэлээ. Мөн түүнчлэн “Их-Өв-2012” номинаци оролцогчдын өргөн цар хүрээг хамарч буй учир уран бүтээлчид, хэвлэл мэдээллийнхэн гэсэн хоёр төрлөөр шилдгийг тодруулж, цаашдын уран бүтээлийн дэмжлэг болгон тус бүр 500,000 төгрөгөөр шагнаж урамшуулахаар шийдвэрлэснийг дуулгахад таатай байна.
“ТОД МАГНАЙ-2012” ЁСЛОЛЫН АЖИЛЛАГААНЫ ШАГНАЛЫН ТӨРӨЛ,
ШАЛГАРУУЛАЛТЫН ЖУРАМ
“Тод магнай-2012” шагнал гардуулах ёслолын ажиллагаанд дараах төрлөөр шилдгүүдийг шалгаруулна. Үүнд:
1. Шилдэг уяач буюу “Төрийн их уяач-2012” номинаци
2. Шилдэг хүлэг буюу “Төрийн их хүлэг-2012” номинац
3. Шилдэг унаач хүүхэд буюу “Төрийн их унаач-2012 номинаци
4. Морины шилдэг зүтгэлтэн буюу “Морины зүтгэлтэн-2012” номинаци
5. Шилдэг уран бүтээл буюу “Их өв-2012” номинаци
“Тод магнай-2012” шагнал гардуулах ёслолын ажиллагаанд шалгаруулах дээрх номинацид нэр дэвшигчид нь дараах шаардлагыг хангасан байх бөгөөд бүрдүүлэх материалыг мөн дор дурдав. Үүнд:
1. “Төрийн их уяач-2012” номинацид нэр дэвшигч
2011 онд гаргасан амжилт
Тав буюу түүнээс дээш жил хурдан морь уяж сойсон байх
Монгол төрийн үндэсний их баяр АХ-ын ойн баяр наадмуудад азарга эсвэл их морь түрүүлгэж, айрагдуулсан байх
Үзүүлсэн амжилтын 30 %-аас доошгүй нь өөрийн унаган адууны амжилт байх
Гарын шавь бэлтгэсэн байх
Шавь нь үндэсний баяр наадмын тухай хуулийн болзол биелүүлж сум, аймаг, улсын цолонд хүрсэн байх
Бэлтгэсэн шавийнх нь уясан хүлгэд улс, бүсийн уралдаанд түрүүлж айрагдсан байх
Дээрх шаардлагыг хангасан бол дараах материалыг бүрдүүлэн ирүүлнэ:
o -Тавьсан шаардлага бүрт нийцсэн холбогдох материал /айрагдаж түрүүлснийг гэрчлэх баярын бичиг өргөмжлөлийн хуулбар, медалийн зураг/
o -Уяачийн зураг
o -Товч намтар
o -Амжилтын цуваа болон баталгаажуулсан хуулбарууд
Мөн шавь нарынхаа
o -Зураг
o -Товч намтар
o -Амжилтыг баталгаажуулсан хуулбарууд
2. “Төрийн Их хүлэг-2012” номинацид нэр дэвших морь
Энэхүү шалгаруулалт зөвхөн их насны моринд хамаарах бөгөөд 1990 оноос хойшхи уралдааны амжилтуудыг тооцно.
Түүнчлэн олон жил тогтвортой уягдаж, амжилт гаргасан байх нь гол үзүүлэлт болно.
2011 онд гаргасан амжилт
Уягдсан цагаас хойш гаргасан амжилт
Дээрх шаардлагыг хангасан бол дараах материалыг бүрдүүлэн ирүүлнэ:
o -Тухайн морины насыг тодорхойлсон баримт
o -2011 онд уралдаж гаргасан амжилт, түүнийг гэрчлэх баталгаа
o -Уягдсан цагаас хойш гаргасан бүх амжилтуудын цуваа баталгаа
3. “Төрийн их унаач-2012” номинацид нэр дэвшигч
Энэ номинацид нэр дэвшигчид 7 буюу түүнээс дээш настай байна
Нэр дэвшигчийн хурдан морь унасан жил нэг буюу түүнээс дээш байх
2011 онд гаргасан амжилт
Улс, бүсийн наадамд 5 буюу түүнээс дээш түрүү айраг хүртсэн байх
Дээрх шаардлагыг хангасан бол дараах материалыг бүрдүүлэн ирүүлнэ:
o -Унаач хүүхдийн төрсний гэрчилгээний хуулбар /нотариатаар батлуулах/
o -Тухайн наадам, уралдааныг зохион байгуулсан байгууллагын тодорхойлолт, баталгаа
o Улс, бүсийн наадамд 5 буюу түүнээс дээш түрүү айраг хүртснийг гэрчлэх баримт
4. ”Морины их зүтгэлтэн -2012” номинацид нэр дэвшигч
Үндэсний их соёл, хурдан морины хөгжлийн төлөө шинэ санал санаачлагыг дэвшүүлж, түүнийгээ хэрэгжүүлсэн байх
Хэрэгжүүлсэн санал санаачлага нь нийтийн хүртээл болж, олон нийтийн дэмжлэгийг хүлээсэн байх
Дээрх шаардлагыг хангасан бол дараах материалыг бүрдүүлэн ирүүлнэ:
o Үндэсний их соёл, хурдан морины хөгжлийн төлөө шинэ санал санаачлагыг дэвшүүлж, түүнийгээ хэрэгжүүлсэн тухай баримт мэдээлэл
o Хэрэгжүүлсэн санал санаачлага нь нийтийн хүртээл болж, олон нийтийн дэмжлэгийг хүлээсэн тухай баримт мэдээлэл
5. “Их-Өв-2012” номинацид нэр дэвших бүтээл
Энэхүү номинацид хэвлэл мэдээллийнхэн /телевиз, сонин, сайт, сэтгүүл, FM радио/, уран бүтээлчид /дуучид, жүжигчид, найруулагч/ нэр дэвшинэ
Дээрх номинацид дэвшин өрсөлдөх төрлүүд:
Нийтлэл
Сурвалжлага
Ярилцлага
Нэвтрүүлэг
Уралдааны дамжуулалт
Уран сайхны болон баримтат кино
Зохиомжит нэвтрүүлэг
Дуу
Шүлэг
Клип
Жүжиг
Хурдан мориор дамжуулан үндэсний их соёл, үүх түүх, ёс заншлыг залуу хойч үедээ сурталчилсан байх
Үндэсний морин спортын цаашдын хөгжилд тулгамдсан асуудлыг хөндөж, гарц хайсан байх
Үндэсний морин спортын хөгжил дэвшилд шинэ санал санаачлагуудыг дэвшүүлсэн байх
Дээрх шаардлагыг хангасан бол дараах материалыг бүрдүүлэн ирүүлнэ:
o -Тухайн номинацид өрсөлдөгчийн зураг, намтар, хийсэн бүтээлүүдийн жагсаалт
o Өрсөлдөж буй уран бүтээлийн нэг хувь
o Хурдан мориор дамжуулан үндэсний их соёл, үүх түүх, ёс заншлыг залуу хойч үедээ хэрхэн сурталчилсан тухай тайлбар
o Үндэсний морин спортын цаашдын хөгжилд тулгамдсан асуудлыг хөндөж, гарц хайсан тухай тайлбар
o Үндэсний морин спортын хөгжил дэвшилд шинэ санал санаачлагуудыг дэвшүүлсэн тухай тайлбар
“Тод магнай-2012” ёслолын ажиллагааны шилдгийн номинацид нэр дэвшигчдийг шалгаруулахдаа дараах журмыг баримтална.
Зохион байгуулагчдын зүгээс тавьсан шаардлагад нийцэж буй бол холбогдох материалыг 2012 оны 2 дугаар сарын 5-ны хооронд “Тод магнай” сэтгүүлийн байранд авчирч өгөх буюу todmagnai@ymail.com болон telmen_1@yahoo.com хаягаар илгээх. /Холбогдох хаяг, утсаа үлдээнэ/
Дээрх таван номинацид нэр дэвшигч уяач, унаач хүүхэд, морьд, хурдан морины зүтгэлтнүүд, уран бүтээлчдийн холбогдох материалыг 2012 оны 2 дугаар сарын 6-наас эхлэн www.todmagnai.mn сайтад байршуулан олон нийтийн саналыг авч эхэлнэ. Олон нийтийн санал асуулгаар номинаци тус бүр дэх хамгийн олон санал авсан эхний таван оролцогчдоос шүүгчдийн бүрэлдэхүүн зөвлөлдөн шилдгийг шалгаруулна.
Санал асуулгад оролцогчид нэг серверээс өдөрт нэг удаа хандах эрхтэй бөгөөд саналын тоонд гаднаас нөлөөлөх боломжгүй юм.
Санал асуулгад шударга бусаар өрсөлдөхөөр санаархаж хакердах оролдлого хийвэл тухайн нэр дэвшигчийг өрсөлдөөнөөс хасна.
Интернетийн санал асуулга нь 2012 оны 2 дугаар сарын 18-ны өдрийн 00.00 цагт дуусгавар болно.
Шүүгчдээс хамгийн өндөр үнэлгээ авсан шилдгүүд “Тод магнай-2012” ёслолын ажиллагааны үеэр өргөмжлөл, цом гардан авна.
Жич: “Их-Өв-2012”номинацид нэр дэвшигчдээс
-Уран бүтээлчид
-Хэвлэл мэдээллийнхэн
гэсэн хоёр төрлөөр шилдгүүдийг тодруулж тус бүр цом, өргөмжлөл 500,000 төгрөгөөр шагнана.
“Тод магнай-2012” ёслолын ажиллагааны шилдэгт нэр дэвшигч, Үндэсний их өв соёлоо түгээн дэлгэрүүлэх үйлсэд үлэмж хувь нэмрээ оруулан салбартаа манлайлагсдыг олон нийтэд таниулан, тэднийг алдаршуулахдаа телевиз, радио, сонин, сэтгүүл, сайт зэрэг бүх төрлийн мэдээллийн хэрэгслүүдийг ашиглана.
Санаачлан зохион байгуулагч: “Тод магнай” сэтгүүл
Хамтран зохион байгуулагч: Монголын Морин спорт уралдааны үндэсний холбоо
Зохион байгуулагчид: www.todmagnai.mn сайт
“Монгол морины гайхамшиг” сан
Холбоо барих:
Утас: 8810-2992, 8890-2992
9509-2992, 9905-2538, 9917-8085
9665-2992, 9191-2538, 9660-2992
Электрон шуудан: todmagnai@ymail.com
telmen_1@yahoo.com
undraa_ntsag@yahoo.com
0 Сэтгэгдэл
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
- Даваа, 11:59 минут Уяач Ц.Батсайхан: Гэсэрваань гуай тарган ирэн дээр…
- 3-р сарын 27 -нд Богд хан уулын аймаг байгуулагдсаны 100 жилийн ой,…
- 3-р сарын 27 -нд МУ-ын Тод манлай уяач Б.Далай: Уяачийн амжилтанд г…
- 3-р сарын 19 -нд Архангай аймгийн 100 жилийн ой, хангайн бүсийн ура…
- 3-р сарын 19 -нд 2023 оны ММСУХ-ны чансаа өндөр уяачид
- 2024 оны 3-р сарын 05 -нд 2023 ОНЫ 21 АЙМГИЙН ШИЛДЭГ УЯАЧ, УРАЛДААНЧ ХҮҮХДҮҮ…
- 2024 оны 3-р сарын 05 -нд Аймгийн Алдарт уяач Ш.Мөнхбаатар:Ах дүү дөрвүүл аа…
- 2024 оны 3-р сарын 05 -нд 2023 ОНЫ ММСУХ-НЫ 21 АЙМГИЙН ШИЛДЭГ САЛБАР ХОЛБОО,…
- 2024 оны 3-р сарын 05 -нд Архангай аймгийн 100 жилийн ой, хангайн бүсийн ура…
- 2024 оны 2-р сарын 27 -нд Манлай уяач Ч.Сугар: Алаг морийг харсан хүн болгон…
- 2024 оны 2-р сарын 27 -нд 2022 оны чансаа өндөр сонгомол дээд насны хүлгүүд
- 2024 оны 2-р сарын 26 -нд Н.Билэгтсайхан 66 оноогоор 2022 оны чансаа өндөр у…
- 2024 оны 2-р сарын 26 -нд Хэнтий аймгийн 100 жилийн ой, зүүн бүсийн уралдаан…
- 2024 оны 2-р сарын 26 -нд МОНГОЛ УЛСЫН 2022 ОНЫ ӨНДӨР ЧАНСААТАЙ ИХ НАСНЫ МОР…
- 2024 оны 2-р сарын 26 -нд О.Батбилэг 73 оноогоор 2022 оны чансаа өндөр уяачд…
- 2024 оны 2-р сарын 26 -нд МУ-ын Алдарт уяач Г.Болдбаатар:Наадмын маргаашнаас…
- 2024 оны 2-р сарын 22 -нд 2022 оны чансаа өндөр азарганууд
- 2024 оны 2-р сарын 22 -нд 2022 оны МУ-ын шилдэг уяач, уралдаанч хүүхдүүд
- 2024 оны 2-р сарын 21 -нд ММСУХ-ны 2022 оны шилдгүүд шагналаа авлаа
- 2024 оны 2-р сарын 21 -нд Архангай аймгийн 100 жилийн ой, хангайн бүсийн ура…
- 2024 оны 2-р сарын 20 -нд Уяач Б.Батжаргал: Сүүлд цоохор даага даяндуулсан
- 2024 оны 2-р сарын 19 -нд Богд хан уулын аймаг байгуулагдсаны 100 жилийн ой,…
- 2024 оны 2-р сарын 14 -нд Цолоо ахиулсан уяачид
- 2024 оны 2-р сарын 07 -нд Нийслэлийн Алдарт уяач цолоор 28 хүн шагнагджээ
- 2024 оны 2-р сарын 07 -нд Дөрвөн Тод, дөрвөн Манлай, 18 Алдарт уяач цол авах…
- 2024 оны 2-р сарын 07 -нд Сумын Алдарт уяач Н.ДУГАРЖАВ: БИ ДӨРӨВДҮГЭЭР АНГИА…
- 2024 оны 2-р сарын 05 -нд Богд хан уулын аймаг байгуулагдсаны 100 жилийн ой,…
- 2024 оны 2-р сарын 05 -нд Хэнтий аймгийн 100 жилийн ой, зүүн бүсийн уралдаан…
- 2024 оны 1-р сарын 27 -нд Сумын Алдарт уяач Д.Батбаяр: Би Биндэрт анх адуу т…
- 2024 оны 1-р сарын 26 -нд Хэнтий аймгийн 100 жилийн ой, зүүн бүсийн уралдаан…
- 2024 оны 1-р сарын 25 -нд Архангай аймгийн 100 жилийн ой, хангайн бүсийн ура…
- 2024 оны 1-р сарын 24 -нд СУМЫН АЛДАРТ УЯАЧ А.Цэрэндорж: ЗААМАРТ ДАЛАЙ ЛАМЫГ…
- 2024 оны 1-р сарын 22 -нд Завхан аймгийн 100 жилийн ой, баруун бүсийн уралда…
- 2024 оны 1-р сарын 21 -нд Аймгийн Алдарт уяач Б.Баттөр: Таван жилийн дотор с…
- 2024 оны 1-р сарын 18 -нд Богд хан уулын аймаг байгуулагдсаны 100 жилийн ой,…
- 2024 оны 1-р сарын 15 -нд Аймгийн Алдарт уяач Ц.Жамсран: Өөрийн тамгатай уна…
- 2024 оны 1-р сарын 15 -нд Богд хан уулын аймаг байгуулагдсаны 100 жилийн ой,…
- 2024 оны 1-р сарын 11 -нд Хэнтий аймгийн 100 жилийн ой, зүүн бүсийн уралдаан…
- 2024 оны 1-р сарын 10 -нд Аймгийн Алдарт уяач М.Мөнхбаяр: Адууны төлөө уйгаг…
- 2024 оны 1-р сарын 10 -нд Завхан аймгийн 100 жилийн ой, баруун бүсийн уралда…
- 2024 оны 1-р сарын 08 -нд Сумын Алдарт уяач Ц.ГЭРЭЛБААТАР: Сайн адууны удам …
- 2024 оны 1-р сарын 08 -нд Завхан аймгийн 100 жилийн ой, баруун бүсийн урал…
- 2024 оны 1-р сарын 03 -нд Хамгийн шимт тэжээлийг мэдэх үү?
- 2024 оны 1-р сарын 02 -нд М.Энхтайван: Хүн хэдий чинээ сэтгэлээ өгнө, адуу т…
- 2023 оны 12-р сарын 27 -нд Хэнтий аймгийн 100 жилийн ой, зүүн бүсийн уралдаан…
- 2023 оны 12-р сарын 25 -нд Баахан хэрэг тарих Баяндэлгэрийн буурал
- 2023 оны 12-р сарын 23 -нд Нийслэлийн Алдарт Уяач цолны болзол хангасан уяачд…
- 2023 оны 12-р сарын 22 -нд Аймгийн Алдарт уяач Г.Энхбаатар: Аавынхаа уяаны ар…
- 2023 оны 12-р сарын 17 -нд Хэнтий аймгийн 100 жилийн ой, зүүн бүсийн уралдаан…
- 2023 оны 10-р сарын 29 -нд Сумын Алдарт уяач Л.Батноров: Азарганы түрүүгээр а…
Сэтгэгдэл бичигдээгүй байна