Г.Батбаатарын халтар

Архангай аймгийн Батцэнгэл сумын харьяат  МУ-ын начин Галбадрахын Батбаатарын халтар хязаалан АХ-ын 93  жилийн ойн баяр наадмын эрлийз дунд насны ангилалд айргийн  дөрөвт хурдлан уясан эзэн, унасан хүүхэд, уугуул нутгийн түмнээ баясгасан билээ.Монгол төрийн наадмыг хоёр төрлөөр чимэгч Г.Батбаатар начины  урмыг сэргээсэн халтар үрээ Ховд аймгийн Мөст сумын уугуул, МУ-ын Алдарт уяач Буднямын Буяннэмэхийн унаган адуу. Бүр тодруулбал эцэг нь Тод манлай уяач Г.Алтангэрэлийн алдарт хүрэний угшилтай хүрэн азарга, харин эх нь ОХУ-ын Чита мужаас орж  ирсэн цэвэр Англи халтар гүү байдаг аж.
Хурдан хүлгийн хийморь лундааг эрхэмлэгч улсын начинд Б.Буяннэмэх халтар үрээгээ унаганд нь бэлэглэсэн бөгөөд даага шүдлэнд нь уягдалгүй өнжиж,  хязаалан анх уягдан ийнхүү төр түмнийхээ их баяр цэнгэлд айрагджээ.
"Тод магнай" сэтгүүл №58