Монгол түмний бахархал Морьтон залуусын аялал өндөрлөлөө

Монгол  хүний тэсвэр хатуужил, Монгол морины шандсыг гайхуулахаар эх орноо нар зөв тойрсон “Морьтон Монгол төсөл”-ийн залуус  188 хоногт 15 аймгийн 88 сумын нутаг 10394 км зам туулан энэ сарын 22-нд аяллаа өндөрлөлөө. Дөрвөн улирал дамнасан зургаан сар гаруйн хугацаанд эх орноо бүтэн тойрч, морьтон Монгол түмнийхээ омогшлыг дэврээсэн залуусыг гэр бүл, найз нөхдөөс гадна МУ-ын ССАЖЯ, ХХЕГ, ММСУХ, МУБИС-ийн төлөөлөгчид  болон Хөдөлмөрийн баатар, Зууны манлай уяач Д.Даваахүү болон Өвөрхангай, Сэлэнгэ, Дорнод зэрэг аймгуудын МСУХ-ны төлөөлөгчид, хэвлэл мэдээллийн салбарынхан угтан авч, баяр хүргэлээ. Бид “Морьтон Монгол” залуучуудын аяллын талаар дэлгэрэнгүй нийтлэлийг удахгүй хүргэх болно.    

А.Тэлмэн