“БРИЗАП” дуудлага худалдаанаас тодорсон хурдан хүлгүүд

Талли Хо үржүүлгийн фермийн Кодиак (Kodiac, IRE) азарганы хувьд энэ улирал амжилтаар дүүрэн байлаа. Түүний төл хоёр настай ТЕРРОР (TERROR IRE) нэрт байдас Английн Ньюмаркетийн нэр хүнд бүхий уралдаанд түрүүлж Ирландын азарганы фермүүдийн нэрэмжит “Bosra Sham” байдасны уралдаанд бүртгэгдсэн байна.Террор нь тэр өдрийн уралдааны бооцоог эргүүлж, өрсөлдөгчдөө ардаа хөнгөхөн орхин түрүүлснээрээ морь сонирхогчдын анхаарлыг татаж буй юм. Террорыг ноён Девид Редверс Горесбриджийн "Бризап"дуудлага худалдаанаас авч байсан бөгөөд эхнэр Женни нь ирэх жил “Neil Gwyn Stakes” эсвэл “Fred Darling Stakes” зэрэг томоохон уралдаануудад Террорийгоо оролцуулахаар төлөвлөөд байгаагаа дуулгасан гэнэ. Тэрээр мөн энэхүү уралдаануудын дараа бид хаашаа уралдахаа шийднэ хэмээн ярьжээ. Террорын эх нь BALTIC BELLE (IRE) нэрт гүү нь богино зайн алдарт хурдан хүлгүүдийн нэг GONE ‘N’ DUNNETT (IRE)-тэй эхтэй нэгтэй аж. Горесбриджийн "Бризап"дуудлага худалдаанаас тодорсон дараагийн хурдан хүлэг бол GOTHIC DANCER (IRE) хэмээх байдас юм. Тэрээр анхны түрүүгээ өнгөрсөн хагас сайнд болсон Group 3 Premio Chiusura уралдаанаас авсан бөгөөд 2011 онд ноён Federico Barberini худалдаж авч байжээ. Түүний эцэг нь Ennistown үржлийн фермийн Dalakhani азарга бол эх нь TANTE ROSE (IRE) хэмээх Haydock Sprint Cup уралдааны түрүү гүүний эх юм.
А.Наранбаатар

0 Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна