Элбэг хээр

А.Тэлмэн
2014 оны 11-р сарын 17 -нд

Увс аймгийн Улаангом сумын уугуул, Лувсаннямын Гансүхийн Элбэг хээр азарга АХ-ын 93 жилийн ой, төрийнхөө их баяр цэнгэлд зургаад хурдалсан. Элбэг хээр энэ жил долоон настай идэрхэн азарга. Эцэг нь Тува хээр азарга байсан бол эх нь Сүхбаатар аймгийн угшилтай хул гүү бий.
Амжилтын товчоон:
Хээр азарга дааган цагаас эхлэн уягдан, 2010 онд шүдлэндээ улсын баяр наадамд долоод  хурдалж, давхар уяагаар “Эрдэнэт хурд-2010” төвийн бүсийн уралдаанд аман хүзүүдэн, том наадмын анхны айргаа хүртэж байсан билээ.
Харин хязааландаа Увс аймагт болсон баруун бүсийн уралдааны эрлийз дунд насны ангилалд түрүүлж, 2012 онд соёолондоо улсын наадамд уралдсан ч хадуураад хойхнуур давхисан байдаг.
2013 онд хавчиг азарга:
- “Дүнжингаравын хурд” хаврын бүсийн уралдаанд 10
- “Эрдэнэт хурд-2013” хаврын бүсийн уралдаанд 14
-Архангай аймгийн 90 жилийн ой, хангай бүсийн уралдаанд түрүү
2014 онд долоотой азарга:
-“Дүнжингаравын хурд” хаврын бүсийн уралдаанд түрүү
-АХ-ын 93 жилийн ой үндэсний их баяр наадамд зургаа
-“Их мандал-3” төвийн бүсийн уралдаанд түрүү
Ийнхүү идэр залуу Элбэг хээр одоогийн байдлаар улс, бүсийн наадмаас дөрвөн түрүү, нэг айраг хүртэн уясан эзнээ урмаар тэтгээд байгаа юм.
Дашрамд сонирхуулахад Элбэг хээр  дэлхийн дээд амжилтанд бүртгүүлэх “Монгол морь-3000” уралдаанд магнайдаа тоосгүй түрүүлсэн ч эрлийз гэсэн шалтгаанаар хасагдсан билээ.
Б.Долзодмаа

0 Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна