Залуучуудын УАШТ болно

Монгол улсын өсөх идэр начин, бөхийн жүдо, самбо барилдааны спортын мастер Ж.Чулуун  агсны нэрэмжит 2014 оны үндэсний бөхийн барилдааны залуучуудын улсын аварга шалгаруулах тэмцээний заавар
Нэг. Үндсэн зорилго
-Монгол улсын алдар цуут аварга, арслан, гарьд, заан, харцага, начингуудын залгамж халаа залуу бөхчүүдийг бэлтгэн тодруулах,
-Үндэсний бөхийн өв уламжлал, ёс жаягийг залуу бөхчүүдэд өвлүүлэн уламжлуулах,
-1968 оноос уламжлал болон явагддаг Монгол Улсын аварга шалгаруулах залуучуудын 19-20 насны барилдаанаас медальт  байранд шалгарч улмаар Монгол үндэсний бөхийн алдарт хүрсэн бөхчүүдийг алдаршуулах ирээдүйн хүчит бөхчүүдийн эгнээг өргөтгөх,
-Монгол улсын шилдэг начин, самбо, жүдо бөхийн спортын мастер, Монгол Улсын анхны Ерөнхийлөгчийн бөх хэмээх Ж.Чулуун агсны алдрыг мөнхжүүлэх зорилготой
Хоёр. Тэмцээнийг зохион байгуулах журам
Тэмцээнд 1994 оны 1-р сарын 1-нээс 1995 оны 12-р сарын 31-ны хооронд төрсөн /19-20/ настай бөхчүүд оролцоно.
Тэмцээнд нэг багаас оролцох бөхчүүдийн тоог хязгаарлахгүй. Нэг багийн хамгийн өндөр оноо авсан 2 бөхийн давааны нийлбэрээр дүнг гаргана.
Мандат авахдаа бүрдүүлэх материал:
-Иргэний үнэмлэх
-Эрүүл мэндийн дэвтэр
-Цээж зураг 2 %
-Мэдүүлгийг компьютерт шивж баталгаажуулсан тамгатай байна
Гурав. Тэмцээний хугацаа, зохион байгуулах газар
Тэмцээн 2014 оны 12-р сарын 5-7-ны өдрүүдэд Дархан-Уул аймгийн спортын ордонд болно. Тэмцээний техникийн зөвлөгөөн 2014 оны 12-р сарын 5-ны өдрийн 16 цагт болно
Дөрөв. Шагнал урамшуулал
Тэмцээнд 1-3-р байруудад шалгарсан бөхчүүдэд медаль, өргөмжлөл, мөнгөн шагнал
4-10-р байр эзлүүлж өргөмжлөл, мөнгөн шагналтай
Багийн дүнгээр:
1-р байрт цом, өргөмжлөл, мөнгөн шагнал
2-р байрт цом, өргөмжлөл, мөнгөн шагнал
3-р байрт цом, өргөмжлөл, мөнгөн шагнал
Холбоо барих утас: 99377442, 99944499
Зохион байгуулагч:
Дархан-Уул аймгийн ЗДТГ, Дархан-Уул аймгийн бөхийн холбоо, Ж.Чулуун агсны гэр бүл, найз нөхөд, Сүхбаатар аймгийн ЗДТГ, Сүхбаатар аймгийн бөхийн холбоо, Дархан-Уул аймаг дахь Сүхбаатар аймгийн нутгийн зөвлөл
Жич: Энэ барилдаанд дээгүүр амжилттай барилдах боломжтой бөхчүүдийн талаар манай сайтаас уншаарай.
Т.Түмэндэмбэрэл