Сайжруулагч үүлдрийн болон эрлийз өсвөр адууны тэжээллэг, арчилгаа маллагааны технологи

"Хурдан удмын адууны цөм сүрэг бий болгох" шинжлэх ухаан технологийн төслийн хүрээнд Монголд нутагшиж байгаа Будённый, Араб үүлдрийн азарганы болон Будённый* Монголын эрлийз, Араб* Монголын эрлийз унага, даага, шүдлэн хязаалангийн тэжээллэг, арчилгаа, маллагааны онцлог, сайжруулагч үүлдрийн азарганы үрийн чанарын судалгаа, эрлийз өсвөр адууны өсөлт хөгжилт, биологи-физиологийн онцлог, сайжруулагч азаргаар хээлтүүлэх гүү сонгох шалгуур үзүүлэлтүүдийг тогтоох, удам зүйн зарим параметрийг судлах судалгаа  Засгийн газрын 2001 оны 2 23-р тогтоолын дагуу хийгдсэн байдаг. " Хурдан удмын цөм сүрэг буй болгох" ШУТ-ийн төслийн хүрээнд хийгдсэн энэхүү судалгааны ажлын технологийн зөвлөмжийг “Тод магнай” сайт  цувралаар хүргэх болсныг дуулгахад таатай байна. 
1. Адууны байр /жүчээ/-нд мөрдөх эрүүл ахуйн норматив

Байрны дэвсгэрийн хувьд жижиглэн хэрчсэн сүрэл, модны үртэс зэргийг тэнцүү хэмжээтэй хольж дэвсэх нь чухал байдаг. Учир нь үртсийг дангаар дэвсэхэд хөлийн хөдөлгөөнөөр тарж, тоосжилт, бужигналт ихтэй байдаг учир амьсгалын замын эрхтнийг үрэвсүүлэх муу талтай. Мөн азаргануудыг өдөр бүр тогтоосон хувиарийн дагуу сойздож, арчих явдал чухал бөгөөд монгол адуутай адил шилгээж, тоос шороогоо унагаах инстинкт /зуршил/ муу учир биеийн гадаргууд нь их хэмжээний тоос шороо хуримтлагдаж, өнгө зүс алдан бүрзийж улмаар арьсны нимгэн хэсгүүд нь үрэвсэх, элдэв сорви шарх үүсэх явдал ч тохиолддог.
Үргэлжлэл бий...