АХ-ын 93 жилийн ойн баяр наадамд 8, 9, 10-д хурдалсан хурдан хязаалангууд

ММСУХ-г үүсгэн байгуулагч Пунцагбалжир агсны хүү Энхмөнхийн бор үрээ АХ-ын 93 жилийн ойн баяр наадамд наймд давхижээ. Бага адууны хийморьтой П.Энхмөнхийн бор үрээг 13 настай Батсайханы Цэдэнбат хүү унаж хурдлуулсан юм.
Говь-Алтай аймгийн Баян-Уул сумын уугуул, “Макс” группийн Ерөнхийлөгч, Тод манлай уяач Дагвадоржийн Ганбаатарын сартай зээрд үрээ хурдан хязаалангийн уралдаанд есөд хурдалсан. Зээрд үрээг 13 настай Цасхүүгийн Отгонхундага хүү унаж, 26 минут, 43 секундэд уралдааны замаа туулжээ.
Морин жилийн босгон дээр Монгол Улсын Манлай уяач цол хүртсэн Булган аймгийн Гурванбулаг сумын уугуул Дамбын Хишигжаргалын цагаан хязаалан АХ-ын 93 жилийн ойд аравт хурдаллаа. Газар газрын шандаст 297 хурдан үрээнээс 10-т хурдалсан цагаан үрээг энэ цагийн шилдэг уралдаанчдын нэг 12 настай Батмөнхийн Сэлэнгэзаяа хүү унаж хурдлуулсан юм. 
"Тод манлай" сэтгүүл №56