Тод халзан

Хөх толбот Монгол түмний цог золбоо хийморь лундаа болсон үндэсний наадгай, Хүннү гүрнээс эхтэй улс гэрийн минь тусгаар тогтнолын баталгаа болсон эрийн гурван наадмаар үе дамжин наадагч говь нутгийн хүүгийн халзан үрээ төрийнхөө их баяр цэнгэлд аман хүзүүнд хурдаллаа.
АХ-ын 93 жилийн ойн баяр наадамд аман хүзүүнд хурдалсан Шоовдорын Баянбатын сартай хүрэн хязаалан Төв аймгийн Сэргэлэн сумын уугуул, Монгол Улсын Тод манлай уяач Агваансамдангийн Батсүхийн унаган адуу. Үндэсний өв соёлоо дээдлэн эрхэмлэж, морь уях төрийн хэрэгт шимтэж буй Ш.Баянбатад урам хайрлан, амжилт хүсч Тод манлай халзан үрээгээ дааганд нь бэлэглэсэн хэмээдэг. Өгсний алдрыг өргөж, авсны урмыг тэтгэсэн халзан үрээ шүдлэндээ гурав түрүүлж, хоёр айрагдан Тод халзан хэмээх нэрийг хүртсэн бөгөөд өнөө жил хязааландаа Өмнөговь аймгийн шилмэл хурдан хүлэг шалгаруулах уралдаанд аман хүзүүдээд, давхар уяагаар улсын наадамд айрагдан, эзэндээ төрийн наадмын анхны айргийг амсуулсан нь энэ билээ.
"Тод магнай" сэтгүүл №56