“Эрдэнэт хүлэг” МСУХ-ны нарийн бичгийн дарга Д.Баясгалан: Бид дүрэм журам, санал санаачилгыг нь дэмжиж ажилладаг

А.Тэлмэн
2014 оны 9-р сарын 29 -нд

-“Эрдэнэт хүлэг” МСУХ-ны төлөөлөгчдөд уяачдын өдрийн мэндийг дэвшүүлье?
-Баярлалаа. Дэлхийн дээд амжилтыг нэг зэрэг хоёр төрлөөр тогтоосны нэг жилийн ойн баярт хүрэлцэн ирсэндээ баяртай байна. Ард түмнээ баярлуулах гэсээр баярлаж амждаггүй уяачид маань өөрсдийн гэсэн тэмдэглэлт өдөртэй болж эрийн гурван наадмаараа наадахыг харах сайхан байна шүү дээ. Монголчууд төрийнхөө сүлдэнд хүлэг морио дээдэлсэн ард түмэн. Хүлэг мориных нь цаана уяачид байдаг шүү дээ. Тэр утгаараа уяачид маань эрхэм хүмүүс юм. Одоогоос нэг жилийн өмнө бид монгол морио Гиннесийн амжилтанд бүртгүүлж, дэлхий дахинаа эх орноо сурталчилсан. Хүн төрөлхтний давтагдашгүй амжилтуудыг тэмдэглэн баталгаажуулж байдаг Гиннесийн номонд монгол адуугаа бүртгүүлж чадсанаараа монголчууд  бид бахархахаас арга юм.
-Тэрхүү бахархалт үйл явдалд “Эрдэнэт хүлэг” МСУХ-ныхон ямар зохион байгуулалттайгаар оролцсон бэ?
 -Манай аймаг морь мал цөөнтэй, харьцангуй суурьшмал газар шүү дээ. Гэхдээ байгаа боломж нөхцлөө дайчлан зүтгээд үзье хэмээн шийдсэн. Тэгээд ямартаа ч төв холбооноос өгсөн тоо хэмжээнд хүрч 250 морьтон жагсааж, 80 морь уралдуулсан. Өнөөдөр ч гэсэн холбооны төлөөлөл, удирдлагууд хүрэлцэн ирж, “Морьтон Монгол” цогцолборын шавь тавих ёслол хийгээд бусад тэмцээн уралдаанд оролцлоо. Ер нь манай “Эрдэнэт хүлэг” МСУХ төв холбооноос гаргасан дүрэм журам, санал санаачилгыг дэмжиж ажилладаг.
А.Тэлмэн

0 Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна