Баруун бүсийн уралдааны түрүү, айргийн шүдлэнгүүд

Галдан бошигт хааны мэндэлсний 370 жилийн ой, баруун бүсийн даншиг наадмын шүдлэнгийн уралдаанд 151 хурдан хүлэг тоосоо өргөсөн бөгөөд Өвөрхангай аймгийн Уянга сумын уугуул, аймгийн Алдарт уяач Баатарын Даваадоржийн хүрэн үрээ түрүүлсэн юм. Та бүхэнд түрүүлж, айрагдсан хурдан хүлгүүдийг танилцуулъя.

Шүдлэн-151
1. Өвөрхангай аймгийн Уянга сумын уугуул, аймгийн Алдарт уяач Баатарын Даваадоржийн хүрэн. Хүрэн үрээг 241 дугаартай, 14 настай Өвөрхангай аймгийн Уянга сумын Г.Нямцэрэн хүү унаж түрүүлгэжээ.
2. Ховд аймгийн Мянгад сумын уугуул Батсуурийн Энхбаярын хар. Хар үрээг 135 дугаартай, 12 настай Улаанбаатар хотын 52 дугаар сургуулийн М.Мөнхцоож хүү унаж аман хүзүүдүүлсэн аж.
3. Ховд аймгийн Мянгад сумын уугуул Д.Баатарсайханы хонгор. Хонгор үрээг 205 дугаартай, 9 настай Улаанбаатар хотын Хан-Уул дүүргийн 21 дүгээр сургуулийн М.Отгонмөнх хүү унаж айргийн гуравт хурдлуулжээ.
4. Говь-Алтай аймгийн Дарви сумын уугуул Ш.Насанжаргалын Титэм хүрэн. Хүрэн үрээг 26 дугаартай, 12 настай Улаанбаатар хотын 9 дүгээр сургуулийн М.Нармандах хүү унаж айргийн дөрөвт хурдлуулсан байна.
5. Завхан аймгийн Тосонцэнгэл сумын уугуул Я.Санжмятавын хар. Хар үрээг 5 дугаартай, 11 настай, Өвөрхангай аймгийн “Мэргэд” сургуулийн О.Зулбаяр хүү унаж айргийн таваар давхиулжээ.
6. Ховд аймгийн Дөргөн сумын уугуул Н.Батбаярын хонгор. Хонгор үрээг 209 дугаартай, 10 настай, Ховд аймгийн Дөргөн сумын М.Мөнх-Оргил хүү унаж хурдлуулсан байна.
7. Өвөрхангай аймгийн Тарагт сумын уугуул, аймгийн Алдарт уяач Б.Алтангэрэлийн хонгор халзан. Хонгор халзан үрээг 138 дугаартай, 12 настай, Өвөрхангай аймгийн нэгдүгээр сургуулийн У.Баянжаргал хүү унасан байна.
8. Өвөрхангай аймгийн Тарагт сумын уугуул Б.Дэмбэрэлжанцангийн хар. Хар үрээг 335 дугаартай, 10 настай, Өвөрхангай аймгийн нэгдүгээр сургуулийн С.Хүдэрчулуун хүү унаж наймд давхиулжээ.
9. Говь-Алтай аймгийн Баян-Уул сумын уугуул, аймгийн Алдарт уяач Н.Отгонбаярын хар. Хар үрээг 43 дугаартай, 11 настай, Говь-Алтай аймгийн Баян-Уул сумын О.Төгсжаргал хүү унаж хурдлуулжээ.
10. Өвөрхангай аймгийн Уянга сумын уугуул, аймгийн Алдарт уяач Д.Ганбаатарын саарал. Саарал үрээг 92 дугаартай, 12 настай Өвөрхангай аймгийн Уянга сумын Г.Буяндаваа хүү унаж тус тус хурдлуулсан байна.

А.Тэлмэн