Аймгийн Алдарт уяач Б.Эрдэнэцогт: Хүрэн азарга Увсын даншигт мөн айрагдаж байсан

Баруун бүсийн уралдаанд айрагдсан хүлгүүдийн эзэд нь баярын сэтгэгдлээсээ хуваалцсаныг хүргэж байна. 
-Хүрэн азарга баруун бүсийн наадамд аман хүзүүнд хурдаллаа. Баяр хүргэе?
-Баярлалаа. Хүрэн азарга маань уралдсан болгондоо түрүүлж, айрагдан биднийг баясгадаг буянт хүлэг байгаа юм. 2011 онд Увс аймагт болсон баруун бүсийн даншиг наадамд зургаан настай азарга гурваар давхиж байсан.
-Азарганыхаа удам угшлыг танилцуулаач?
-Тод манлай уяач Лхагвын Цандэлэгийн Монхор зээрд азарганы хүүхэд байгаа юм. Хязаалангаас хойш уягдаж байгаа адуу. Уралдсан цагаас хойш айраг, түрүү ер нь алдаагүй ээ дээ. Харин өнгөрсөн жил Завхан аймгийн 90 жилийн ой баруун бүсийн уралдаанд наймаар давхисан.
- Галдан бошигтын мэндэлсний 370 жилийн ой, баруун бүсийн уралдаанд хэдэн насны морьтой ирсэн бэ?
-Азарга, их морь хоёртой ирсэн. Их мориндоо бас найдлага тавьж л байна.
-Ярилцсанд баярлалаа. Дараа дараагийн уралдаануудад тань амжилт хүсье.
А.Тэлмэн