Уралдаанч А.Чинбат: Урьд нь аймаг, сумынхаа наадамд л уралдаж байсан

-Төрийн их баяр наадамд соёолон унаж айргийн дөрөвт хурдлуулсан дүүдээ юуны өмнө баяр хүргэе.
-Баярлалаа. Том наадамд анх удаа ирж оролцлоо. Гэхдээ энэ жил нийслэлийн хурдад Нямбаатар ахынхаа шарга шүдлэн үрээг унаж түрүүлгэсэн.
-Чинбат хурдан морь унаад хэдэн жил болж байгаа вэ?
-Дөрвөн жил унаж байна. Өмнө нь аймаг, сумынхаа наадамд л уралдаж байсан. Би Дорноговийн Өргөн сумынх. Ноднин Нямбаатар ахынхаа бор үрээг дааганд нь унаж Данзанравжаа, Их хэт суманд гээд дөрөв түрүүлгэсэн.
-АХ-ын 93 жилийн ойн баяр наадамд соёолонгоос гадна ямар насны хурдан морь унасан бэ?
-Нямжав ахын хязаалан үрээг унаж 28-аар орсон.
-Хүрэн соёолонг яагаад унаж уралдах болсон юм бэ?
-Манай Нямдаваа ах Гантөмөр ахын морийг нь уядаг юм. 
-Танай уяаныхан Ховдын бүсэд наадахаар Говь-Алтай аймагт явж байна гэсэн. Баруун бүсийн наадамд хэдэн насны морь унаж уралдах вэ?
-Их мориноос даага хүртэл таван насны морь унана. Мөн эрлийз азарга унаж уралдана.
-Баярлалаа. Дараа дараагийн уралдаануудад нь амжилт хүсье.

"Тод магнай" сэтгүүл №55