Уралдаанч Б.Ганзориг: Улсад анх удаа ирж соёолон айрагдууллаа

Их Монгол Улс байгуулагдсаны 808, Ардын хувьсгалын 93 жилийн ой, Үндэсний их баяр наадамд Булган аймгийн Хутаг-Өндөр сумын уугуул Ж.Бат-Эрдэнийн ногоон соёолонг унаж айргийн гуравт хурдлуулсан хүү бол Батсайханы Ганзориг юм. Тэрээр 4-5 жил хурдан морь унаж байгаа Булган аймгийн Сэлэнгэ сумын хүүхэд аж. Сум, аймагтаа Баяр ахынхаа уясан морьдыг унаж байгаад энэ жил төрийн их баяр наадамд анх удаа ирж шинэ амжилтын эзэн болсноо бидэнд баяртайгаар дуулгасан. Түүнчлэн Б.Ганзориг Баянхонгор аймагт зохион байгуулагдах Ламын гэгээн Лувсанданзанжанцаны мэлмий гийсний 375 жилийн ойн бүсийн наадамд Ж.Бат-Эрдэнийн ногоон морийг унаж уралдсан гэнэ. Шинэ амжилтын эзэн болсон түүний дараа дараагийн уралдаануудад нь амжилт хүсье.

"Тод магнай" сэтгүүл №55