Тод манлайн унаган зээрд

Морин жилийн их цэнгэлээс хамгийн олон айраг хүртэн одтой наадсан эрхэм бол Тод манлай уяач Д.Онон, түүний хүү О.Батбилэг, О.Батболд нар юм. АХ-ын 93 жилийн ой баяр наадмаас найман айраг хүртсэн Тод манлай соёолонгийн уралдаанд  сартай зээрд үрээ аман хүзүүнд хурдлуулсан. Аз хийморийн бэлгэдэл соёолон насны морьдын уралдаанд аман хүзүүнд хурдалсан зээрд үрээг танилцуулвал:
Угшил гарвал: Тод манлайн унаган адуу. Зээрд үрээний эх Өвгөн тогоруу азарганы төл гүү бол эцэг нь  2004 онд хязааландаа түрүүлсэн хамар цагаан зээрд азарганы төл юм. Зээрд азарга өдгөө Г.Тэмүүлэн уяачид бий.
Амжилтын товчоон:
Дааганаасаа эхэлж уягдсан ч хязаалан  хүртлээ улсад арав гаргаж давхиж байсан. Өнөө жил соёолондоо төрийнхөө наадамд ийнхүү аман хүзүүдэж буй нь энэ.
"Тод магнай" сэтгүүл №55