Яруу саарал

Өмнөговь аймгийн Булган сумын уугуул, Монгол Улсын Алдарт уяач Намдагийн Хүрлээгийн Яруу саарал морь Их Монгол Улс байгуулагдсаны 808, АХ-ын 93 жилийн ой төрийнхөө их баяр цэнгэлд аравт хурдаллаа. Хурдан хүлгийн уяа эвлүүлж, хурд ирлэх болсоор арваад жилийн нүүр үзэж буй өмнийн говийн унаган хүү луу жилийн босгон дээр МУ-ын Алдарт уяач хэмээх эрхэм цолны эзэн болсныг уншигчид санаж буй бизэ. Алдартын нэрийн хуудас болсон аргамаг хурдан хүлгүүдийн нэг Яруу саарал морины талаар товчхон сануулваас:
Угшил гарвал: Уяачийн эрдэмд шамдах урмыг дэврээсэн Яруу саарал Дорнод аймгийн Матад сумын уугуул Цэрэнжавын унаган адуу. Н.Хүрлээ Алдарт 2009 онд хязаалан үрээ авч байсан гэдэг билээ.
Амжилтын товчоон:
2009 онд хязааландаа:
АХ-ын 88 жилийн ой улсын наадамд 18
“Дорнод-2009” зүүн бүсийн уралдаанд айргийн гурав
2010 онд соёолондоо:
“Эрдэнэт хурд-2010” төвийн бүсийн уралдаанд айргийн гурав
2011 онд хавчиг морь:
Тод манлай уяач Д.Бат-Эрдэнийн Молор эрдэнийн мялаалга наадамд айргийн гурав
“Говьшанхын хурд-4” говийн бүсийн уралдаанд түрүү
2012 онд долоотой морь:
АХ-ын 91 жилийн ой улсын наадамд хорь гаргаж давхисан
Да лам Цэрэнчимэдийн мэндэлсний 140 жилийн ой төвийн бүсийн наадамд айргийн дөрөв
2013 онд наймтай морь:
“Дүнжингаравын хурд-2013” хаврын бүсийн уралдаанд долоо
Шигшмэл морьдын “Их хурд-6” уралдаанд ес
Төв аймгийн 90 жилийн ой төвийн бүсийн уралдаанд айргийн гурав
2014 онд естэй морь:
АХ-ын 93 жилийн ой баяр наадамд аравт тус тус хурдлаад байна. 
"Тод магнай" сэтгүүл №55