Уяач Н.Гансүх: Морь уяад жилийн дараа бүсийн наадмаас айраг хүртлээ

"Хотгойдын хурд-3" хангайн бүсийн уралдаанд их морь айрагдуулсан уяачдын ярилцлагыг хүргэж байна.

-“Хотгойдын хурд-3” хангайн бүсийн уралдаанд их морь айрагдуулсанд баяр хүргэе?
 -Баярлалаа. Баяр наадам сайхан боллоо. Би анх удаа Хотгойдын хурд уралдаанд очдоод морио айрагдуулж, том наадмын анхны айргаа амслаа. Сэтгэл өндөр байна. Би чинь ноднингоос л морь уяж байгаа залуу уяач шүү дээ.
-Хээр морь хаанахын адуу вэ?
-Миний хээр морь Хэнтий аймгийн Дархан сумын адуу л даа. Хөвсгөл аймгийн харьяат Амгалан гэдэг хүнээр дамжиж надад ирсэн хүлэг байгаа юм. Би ноднин битүү морь авч бооцоод уралдаанд түрүүлгэсэн. Энэ зуны тухайд долоо уралдаад тав айрагдаж, хоёр түрүүлээд байна.
-Хэдэн насны морь мордуулав. Бусад нас яаж давхисан бэ?
-Би хоёр их настай очсон. Нэг нь 50 гарч давхилаа. Цуг явсан хүмүүсийн азарга 14-15-аар давхисан.
-Тариалан сумынхан одтой наадсан байна лээ шүү?
-Тиймээ, ер нь сайн наадсан шүү. Манай сумын уяачид адуугаа чанаржуулсан зэрэгцээ шинэ цагийн уяагаар уядаг. Түүний үр дүн харагдаж байна.
-Залуу уяачийн дараа дараагийн уралдаануудад амжилт хүсье.
-Баярлалаа.
Б.Долзодмаа