Говийн хийморь гоё хүрэн

Дуу хуурын өлгий нутгийн хийморилог уяачдын амжилтын буухиаг Хулд сумын уугуул, аймгийн Алдарт уяач Сосорын Мөнхбатын хүрэн морь үргэлжлүүлж, АХ-ын 93 жилийн ой төрийнхөө их баяр цэнгэлд айргийн дөрвөөр хурдаллаа. Хурдан хүлгийн хийморьт сүслээд арав гаруй жил болж буй эзэндээ төрийн наадмын анхны айргийг авчирсан хурдан хүрэн морийг эрхэм уншигч танаа танилцуулъя.
Угшил гарвал: Сүхбаатар аймгийн Дарьганга сумын уугуул Шаравын Мөнхбаатарын хүний унаган адуу. Эзнийхээ магнайг тэнийлгэн хурдалдаг эрэмгий хүрэн морийг нэг нутгийн Рэнцэн /хурандаа/ нь авч өгч байсан гэдэг.
Амжилтын товчоон:
2010 онд
АХ-ын 89 жилийн ой улсын баяр наадамд 10
2011 онд
Дундговь аймаг үүсч байгуулагдсаны 70 жилийн ойд аман хүзүү
2012 онд
“Дүнжингаравын хурд-2012” хаврын бүсийн уралдаанд 13
“Их мандал-2012” говийн бүсийн уралдаанд 11
2013 онд
Дундговь аймгийн баяр наадамд аман хүзүү
Шигшмэл морьдын “Их хурд-6” уралдаанд зургаа
Завхан аймгийн 90 жилийн ой, баруун бүсийн наадамд зургаа
Дэлхийн адууны баяр, дэлхийн дээд амжилтанд бүртгүүлэх уралдааны зүүн бүсэд аман хүзүү
2014 онд
АХ-ын 93 жилийн ой улсын баяр наадамд айргийн дөрөв
А.Тэлмэн