Суман хүрэн

Наадамчин олны тааварт багтсан айргийн хүлгэдийн нэг Суман хүрэн амжилтаа ахиулан АХ-ын 93 жилийн ойдоо аман хүзүүнд хурдаллаа. Булган аймгийн Хангал сумын уугуул, МУ-ын Гавьяат дасгалжуулагч Доржийн Баясгалангийн хурдан хүрэн морь сүүлийн жилүүдэд тогтмол амжилт үзүүлж буй бөгөөд өнөө жил гарсан цагаасаа зарлагдсаар аман хүзүүнд хурдлан моринд дуртай монгол түмнээ цэнгүүлсэн билээ. Энэ цагийн эрэмгий хурдан хүлгүүдийн нэг Суман хүрэнгийн амжилтын товчооныг эргэн сийрүүлбээс:
Угшил гарвал: Хүрэн морь Сэлэнгэ аймгийн Бургалтай сумын уугуул Жаргалсайханы унаган адуу бөгөөд даага, шүдлэндээ тэр хавийнхаа уралдаануудад  амжилттай наадан Д.Баясгалангийн нүдэнд тусчаа. Хүрэн хязаалан ирсэн цагаас эхлэн эзний урмыг сэргээж иртэй сайхан хурдалж буй.
Амжилтын товчоон:
2009 онд хязааландаа:
Хангал сумын баяр наадамд аман хүзүү
Булган аймгийн баяр наадамд аман хүзүү
Ламын Гэгээн Лувсанданзанжанцаны мэлмий гийсний 370 жилийн ойн баяр наадамд 19
2010 онд соёолондоо:
“Дүнжингаравын хурд-2010” хаврын бүсийн уралдаанд 11
Орхон аймгийн хаврын тэргүүн сарын уламжлалт уралдаанд айргийн тав
Орхон сумын баяр наадамд түрүү
Эрдэнэт хотод болсон төвийн бүсийн хурдан морины уралдаанд түрүү
2011 онд хавчиг морь:
Булган аймгийн Могод сумын 80 жилийн ойд түрүү
Орхон аймгийн баяр наадамд найм
“Тамирын хурд-3”хангайн бүсийн уралдаанд арав
Молор эрдэнийн мялаалга наадамд айргийн дөрөв
2012 онд долоотой морь:
Орхон аймгийн хаврын уралдаанд 12
“Дүнжингаравын хурд-2012” хаврын бүсийн уралдаанд 30
 Булган аймгийн баяр наадамд түрүү
 Баян-Өндөр  сумын баяр наадамд түрүү
АХ-ын 91 жилийн ой төрийн наадамд айргийн гурав
Да лам Цэрэнчимэдийн мэндэлсний 140 жилийн ой, төвийн бүсийн уралдаанд аман хүзүү
2013 онд наймтай морь:
АХ-ын 92 жилийн ой, төрийн наадамд долоо
Шигшмэл морьдын “Их хурд-6” уралдаанд 13
2014 онд:
“Дүнжингаравын хурд-2014” хаврын бүсийн уралдаанд найм
Баян-Өндөр сумын 20 жилийн ойд түрүү
АХ-ын 93 жилийн ой, төрийн наадамд аман хүзүүнд тус тус хурдалжээ.
А.Тэлмэн