Цогтцэций сумын 90 жилийн ойн баяр наадамд Г.Санжаадамба түрүүллээ

Сүүлийн хэдэн жил хүн амын тоо эрс өсч, хотжиж буй Өмнөговь аймгийн Цогтцэций сумын түүхт 90 жилийн ойн наадам энэ сарын 8, 9-ний өдрүүдэд өргөн дэлгэр боллоо. Бөхийн барилдаанд улсын арслан Х.Мөнхбаатар, улсын заан Ч.Санжаадамба, улсын харцага Ц.Содномдорж, аймгийн хурц арслан Н.Баттүвшин, О.Гантулга нараар манлайлуулсан хүчит 128 бөх зодоглон барилдсанаас Архангай аймгийн Хашаат сумын харьяат, МУ-ын саруул сайжрах заан Чимэдрэгзэнгийн Санжаадамба долоо даван түрүүлж, Увс аймгийн Малчин сумын харьяат, аймгийн хурц арслан Оюуны Гантулга үзүүрлэлээ.
Их шөвөгт Хөвсгөл аймгийн Шинэ-Идэр сумын харьяат, МУ-ын арслан Хадбаатарын Мөнхбаатар, мөн аймгийн Тосонцэнгэл сумын харьяат, МУ-ын харцага Цэдэвийн Содномдорж нар шалгарсан юм.
Дунд шөвөгт Хөвсгөл аймгийн Цагаан-Үүр сумын харьяат, аймгийн хурц арслан Намсрайн Баттүвшин, Архангай аймгийн Эрдэнэмандал сумын харьяат, аймгийн арслан Пэрэнлэйжамцын Баярхүү, Архангай аймгийн Тариат сумын харьяат, аймгийн нэмэх начин Цэрэндоржийн Ганбат, Өмнөговь аймгийн Цогтцэций сумын харьяат, аймгийн начин Наранцэцэгийн Бямбасүрэн нар шалгарсан.
Дашрамд сонирхуулахад, түрүүлсэн бөхөд таван сая, үзүүрлэсэн бөхөд дөрвөн сая, шөвөгт үлдсэн бөхчүүдийг сая, сая төгрөгөөр шагнаж гардуулсан юм.
Оноолтыг дөрвийн даваанаас сонирхоно уу.
Дөрвийн даваа
1. У. а Х.Мөнхбаатар – с.з Батбаатар
2. У.з Ч.Санжаадамба – с.з Л.Гансэрээ
3. У.х Ц.Содномдорж – с.з Б.Улаалзгана
4. А.х.а Н.Баттүвшин – а.н Г.Энхсүх
5. А.х.а О.Гантулга - а.н О.Мөнх-Ирээдүй
6. А.а Б.Хашбат – а.н Н.Бямбасүрэн
7. А.а П.Баярхүү – а.н.н Т.Хишигбаяр
8. А.з Э.Саранбаатар – а.н.н Ц.Ганбат
Тавын даваа
1. У.а Х.Мөнхбаатар – а.н Н.Бямбасүрэн
2. У.з Ч.Санжаадамба – а.н.н Ц.Ганбат
3. У.х Ц.Содномдорж – а.а П.Баярхүү
4. А.х.а Н.Баттүвшин – а.х.а О.Гантулга
Зургаагийн даваа
1. У.а Х.Мөнхбаатар – а.х.а О.Гантулга /зүүн хутгаад/
2. У.з Ч.Санжаадамба – у.х Ц.Содномдорж /барьц сонгоод/
Долоогийн даваа
1. У.з Ч.Санжаадамба – а.х.а О.Гантулга /баруун хөлд ороод/
Т.Түмэндэмбэрэл