Шандаст хул

Айргийн азарганы тааварт багтан моринд элэгтэй монгол түмнээ гэгэлзүүлж байсан Өвөрхангай аймгийн Хужирт сумын уугуул Дуламын Сугарын хул энэ удаа хараахан багтсангүй.Сүүлийн жилүүдэд тогтмол амжилттай наадаж буй хул азарга сөөм дутаж зургаад хурдалсан. Молор эрдэнэ морио дээдлэгч эрхэм уншигч та бүхэн Шандаст хулын талаар чамлахааргүй ихийг мэдэх ч амжилт алдрыг нь цөөн үгээр сануулсуу.
Угшил гарвал:Шандаст хул Д.Онон уяачийн унаган адуу.Тод манлай өөрийн унаган хул хязааланг 2009 онд адуугаар дамжиж нөхөрлөсөн андадаа бэлэг болгон өгсөн гэдэг.
Амжилтын товчоон:
2009 онд хязааландаа:
Өвөрхангай аймгийн Өлзийт сумын баяр наадамд түрүү
2010 онд соёолондоо:
Хэд хэдэн бэсрэг уралдаануудад түрүүлж айрагдан Хэнтий аймагт зохиогдсон Хардэл жанжин бэйс өвгөн ноён М.Пүрэвжавын нэрэмжит "Сэцэн ханы хурд" зүүн бүсийн уралдааныг гарсан цагаасаа эхлэн тавилангийн үзүүр хүртэл өнгөлсөн.
2011 онд хавчиг азарга:
Хавар Цагаан хөтөлд болсон өндөр бооцоот уралдаанд айргийн дөрөв
2012 онд долоотой азарга:
АХ-ын 91 жилийн ой улсын баяр наадамд айргийн дөрөв
Да лам Цэрэнчимэдийн мэндэлсний 140 жилийн ой, төвийн бүсийн уралдаанд түрүү
2013 онд наймтай азарга:
“Дүнжингаравын хурд-2013” хаврын бүсийн уралдаанд 13
АХ-ын 92 жилийн ой улсын баяр наадамд айргийн тав
Шигшмэл морьдын “Их хурд-6” уралдаанд аман хүзүү
Төв аймгийн 90 жилийн ой, төвийн бүсийн уралдаанд айргийн дөрөв
2014 онд естэй азарга:
АХ-ын 93 жилийн ой улсын баяр наадамд зургаад тус тус хурдалжээ. Хоёр талаас хурдны удамтай хул азарганы уяа сойлгыг О.Батбилэг уяач тааруулдгийг уншигчид мэдэх биз ээ.
А.Тэлмэн