Хангайн бүсийн даншигт Н.Баттүвшин түрүүлж, Б.Ганхуяг үзүүрлэж хурц арслан цол хүртлээ

“Хотгойдын хурд 3” хангайн бүсийн даншиг наадам Хөвсгөл аймгийн Мөрөн хотноо боллоо. Бөхийн барилдаанд у.а Х.Мөнхбаатар, у.х Г.Элбэг, Г.Ганхуяг,  Ц.Содномдорж, у.н Б.Бадрла, У.Балжинням, Н.Баттулга, Б.Баянмөнх, М.Эрдэнэбат, А.Батмөнх нараар манлайлуулсан улс аймгийн алдар цолтой хүчит 512 бөх зодоглолоо. Бөхийн барилдааны гурвын даваанд улсын арслан Х.Мөнхбаатар а.а Г.Батнямыг, а.х.а Б.Одгэрэл а.н Н.Бямбацогтыг, а.х.а Д.Цэвэлсодном а.з Л.Батзоригийг, а.х.а О.Гантулга а.н.н О.Батжаргалыг гэхчлэн өвөрмөц амууд харагдаж байв. Мөн Шинэ-Идэр сумын заан Ц.Алтаншагай а.а С.Мөнхсүхийг давхар тохоод тун уран давсан бол тунасан сумын заан Га.Бат-Эрдэнэ Б.Сүхбат нарын барилдаан уран хурц болж Цагаан-Уулын Гармаагийн Бат-Эрдэнэ давлаа. Батбаатарын Сүхбат саяхан Улаан-Уул сумынхаа наадамд түрүүлж заан цолоо баталжээ.
Бөхийн барилдааны дөрвийн даваанд с.з Э.Ширнэн у.н Н.Баттулгаар, с.з Энхболд у.н Б.Бадралаар, с.з А.Мягмаржав у.н Б.Баянмөнхөөр, с.з Ц.Хашбат у.н У.Балжиннямаар, с.з Э.Баасанжав а.х.а Б.Батжаргалаар, с.з А.Баянмөнх а.а Г.Баасандоржоор, с.з Г.Батсүх а.х.а Ё.Эрдэнэжаргалаар, с.з Эрдэнэбаяр а.х.а Д.Цэвэлсодномоор, с.з Г.Балжинням а.а Э.Зоригтбаатараар, с.з Б.Батбилэг а.а Б.Баатарцолоор, с.з Гантулга а.а Ч.Ганзоригоор, с.з Н.Мөнх-Эрдэнэ а.а Б.Дэлгэрсайханаар тус тус давлаа. Харин аймгийн цолд горилж байсан Шинэ-Идэрийн Цогтгэрэлийн Алтаншагай у.х Ц.Содномдоржид, Цагаан-Үүрийн Базаррагчаагийн Нямсүрэн у.н А.Батмөнхөд, Цагаан-Уулын Гармаагийн Бат-Эрдэнэ а.х.а О.Гантулгад, Арбулагийн Гэсэрийн Бат-Эрдэнэ а.а М.Бат-Отгонд, с.з Б.Даваажанцан а.а Л.Нямбаярт тус тус шороодсон юм.  Мөн а.н Б.Пүрэвдорж а.а Б.Ганхуягт, а.н Ц.Сандагдорж а.а Ч.Хөхчирэнгэрт унаж дараа жилийн наадмыг хүлээх болов.
Тавын даваанд у.а Х.Мөнхбаатар, у.х Ц.Содномдорж нар а.а Р.Дамдин, а.а Э.Ванданцэрэн нарыг амлаж давсан бол у.х Г.Элбэг, у.х Г.Ганхуяг нар өөрийн шавь с.з Г.Балжинням, Б.Батбилэг нарыг амлаж шавь нараа аймгийн цолд хүргэлээ. Мөн Улаан-Уулын Ө.Гантулга, Цагаан-Үүрийн А.Баянмөнх, Мөрөнгийн Ц.Хашбат, Их-Уулын Э.Ширнэн, Тариалангийн  Б.Эрдэнэбаяр, Баянзүрхийн Б.Энхболд, Бүрэнтогтохын. А.Мягмаржав, Э.Баасанжав нар у.н М.Эрдэнэбат, А.Батмөнх, а.х.а Б.Одгэрэл, а.а М.Бат-Отгон, а.а Л.Нямбаяр, а.а Ц.Чимэддорж, а.а А.Давааням, Ч.Хөхчирэнгэр нараар тус бүр тав давж аймгийн начин болцгоов.
Зургаагийн даваанд улсын арслан Х.Мөнхбаатар, у.х Ц.Содномдорж, а.а Б.Ганхуяг нар с.з Ө.Гантулга, Ц.Хашбат, Б.Энхболд нараар төвөггүй давсан бол а.з Н.Баттүвшин өөрийн төрсөн дүү у.н А.Батмөнхөөр начин цолд хүрсэн с.з А.Баянмөнхийг амлаж давлаа. Ховд аймгийн харьяат, а.н.н Д.Ууганбаяр с.з Э.Баасанжавыг хөлд нь ороод давсан бол а.н Б.Даваа-Очир с.з А.Мягмаржавыг мордоод угсруулж өхийлдөөд уран мэхээр давав. Тунасан сумын заанууд барилдаанд Э.Ширнэн, Б.Эрдэнэбаяр нар давснаар аймгийн харцага цолны болзол хангалаа.
Долоогийн даваанд у.а Х.Мөнхбаатар өөрийн гарын шавь а.н Б.Даваа-Очирыг , у.х Ц.Содномдорж өөрийн дотны найз, Ховд аймгийн Мөст сумын харьяат а.н.н Д.Ууганбаяр нарыг амлаж барилдалгүйгээр элэг бүсээ тайлж тахимаа өгөв. Ингэснээр Д.Ууганбаяр, Б.Даваа-Очир нар аймгийн заан цолны болзол хангалаа. Мөн а.а Б.Ганхуяг, а.з Н.Баттүвшин нар долоо давж их шөвөгт үлдэв.
Ийнхүү Хангайн бүсийн даншиг, Жалханз хутагт Дамдинбазарын мэндэлсний 140 жилийн ой, “Хотгойдын хурд 3” даншиг наадамд Цагаан-Үүр сумын харьяат, аймгийн заан Намсрайн Баттүвшин 9 даван түрүүлж аймгийн хурц арслан цол хүртсэн бол Шинэ-Идэр сумын харьяат, аймгийн арслан Бадамсамбуугийн Ганхуяг үзүүрлэж мөн хурц арслан цолд хүрлээ. Их шөвөгт шалгарсан Ховдын Д.Ууганбаяр, Хөвсгөлийн Б.Даваа-Очир нар аймгийн заан боллоо.
Үзэгч олон, ард түмэн энэ наадмын талаар сэтгэл дундуур байгаа нь олон нийтийн цахим сүлжээ, мэдээллийн хэрэгслүүдээр гарч буй мэдээллүүдээс харагдаж байна.
Тавын даваа
1. У.а Х.Мөнхбаатар - а.а Р.Дамдин
2. У.х Г.Элбэг - с.з Г.Балжинням Бүрэнтогтох
3. У.х Г.Ганхуяг - с.з Б.Батбилэг Жаргалант
4. У.х Ц.Содномдорж - а.а Э.Ванданцэрэн
5. У.н М.Эрдэнэбат - с.з Ө.Гантулга Улаан-Уул
6. У.н А.Батмөнх - с.з А.Баянмөнх /төрсөн ах/
7. А.х.а Б.Одгэрэл - с.з Ц.Хашбат Мөрөн
8. А.х.а О.Гантулга - а.н.н Д.Ууганбаяр Ховд
9. А.а М.Бат-Отгон - с.з Э.Ширнэн Их-Уул
10. А.а Л.Нямбаяр - с.з Б.Эрдэнэбаяр Тариалан
11. А.а Ц.Чимэддорж - с.з Б.Энхболд Баянзүрх
12. А.а А.Давааням - с.з А.Мягмаржав Бүрэнтогтох
13. А.а Б.Ганхуяг – с.з Г.Батсүх Жаргалант
14. А.а Ч.Хөхчирэнгэр - с.з Э.Баасанжав Бүрэнтогтох
15. А.з Н.Баттүвшин - с.з Н.Мөнх-Эрдэнэ Жаргалант
16. А.х Л.Энхбат - а.н Б.Даваа-Очир
Зургаагийн даваа
1. У.а Х.Мөнхбаатар – с.з Ө.Гантулга
2. У.х Ц.Содномдорж – с.з Ц.Хашбат
3. А.а Б.Ганхуяг – с.з Б.Энхболд
4. А.з Н.Баттүвшин – с.з А Баянмөнх
5. А.н.н Д.Ууганбаяр – с.з Э.Баасанжав
6. А.н Б.Даваа-Очир – с.з А.Мягмаржав
7. С.з Г.Балжинням – с.з Э.Ширнэн
8. С.з Б.Батбилэг – с.з Б.Эрдэнэбаяр
Долоогийн даваа
1. У.а Х.Мөнхбаатар – а.н Б.Даваа-Очир
2. У.х Ц.Содномдорж – а.н.н Д.Ууганбаяр
3. А.а Б.Ганхуяг – с.з Э.Ширнэн
4. А.з Н.Баттүвшин – с.з Б.Эрдэнэбаяр
Наймын даваа
1. А.а Б.Ганхуяг – А.н.н Д.Ууганбаяр
2. А.з Н.Баттүвшин – а.н Б.Даваа-Очир
Есийн даваа
1. А.а Б.Ганхуяг – А.з Н.Баттүвшин

Т.Түмэндэмбэрэл