“Дорнод талын хурд-2014” зүүн бүсийн уралдааны түрүү, айргийн хурдан дааганууд

Их Монгол Улс байгуулагдсаны 808, АХ-ын 93, Дорнод аймгийн 83 жил, "Дорнод талын хурд-2014" зүүн бүсийн наадмын хурдан дааганы уралдаанд 101 хүлэг мордож гарааны зурхайгаас эргэснээс:

1. Сүхбаатар аймгийн Баяндэлгэр сумын уугуул, аймгийн Алдарт уяач Цэндсүрэнгийн Цогтбаатарын хонгор. Хонгор даагыг 70 дугаартай Энхбаатарын Ган-Эрдэнэ хүү унаж хурдлуулжээ.
2. Сүхбаатар аймгийн Халзан сумын уугуул, аймгийн Алдарт уяач Жадавсүрэнгийн Бат-Эрдэнийн хул. Хул даагыг 254 дугаартай Хүдэрчулууны Ариунболд унаж хурдлуулжээ.
3. Говь-Алтай аймгийн Баянуул сумын уугуул, Тод манлай уяач Дагвадоржийн Ганбаатарын хар бор. Хар бор даагыг 109 дугаартай Цогдонгийн Бямбажав хүү унаж хурдлуулжээ.
4. Архангай аймгийн Эрдэнэбулган сумын уугуул Гончигжавын Мөнхсайханы хээр. Хээр даагыг 288 дугаартай Батбаярын Мөнх-Оргил унаж хурдлуулжээ.
5. Сүхбаатар аймгийн Халзан сумын уугуул Будын Дуламсүрэнгийн халиун. Халиун даагыг 988 дугаартай Цэдэндоржийн Сэнгэсүрэн унаж хурдлуулжээ.
6. Сүхбаатар аймгийн Онгон сумын уугуул, сумын Алдарт уяач Доржпаламын Ядамын хонгор. Хонгор даагыг Мөнхзулын Сүхбол унаж хурдлуулжээ.
7. Сүхбаатар аймгийн Халзан сумын уугуул Рагчаагийн Мөнхтөрийн хээр. Хээр даагыг 13 дугаартай Хүрэлсүхийн Баяр-Эрдэнэ хүү унаж хурдлуулжээ.
8. Улаанбаатар хотын Налайх дүүргийн харьяат, Тод манлай уяач Г.Сандуйжавын зээрд халзан. Зээрд даагыг 707 дугаартай Батбаярын Мөнхжин унаж хурдлуулжээ.
9. Дорнод аймгийн Хөлөнбуйр сумын уугуул Далхаагийн Ханшхуягийн хүрэн. Хүрэн даагыг 929 дугаартай Мөнхзаяагийн Хөлөгбаатар унаж хурдлуулжээ.
10. Дорнод аймгийн Халхгол сумын уугуул, сумын Алдарт уяач Занданбалын Хилийнхүүгийн шарга. Шарга даагыг 903 дугаартай Ганбатын Мөнхзул унаж хурдлуулжээ.
Түүнчлэн баян ходоодоор Дорнод аймгийн Хэрлэн сумын харьяат Буджавын Батсайханы бор даага тодорсон юм. Бор даага өмнө нь Баянтүмэн сумын наадамд аман хүзүү, Төв аймгийн Сэргэлэн суманд найм, Булган сумын Норовлин уулын тахилгад түрүүлсэн аж. 

У.Энхмаа