Тод манлай уяач Д.Мөнхбат: Мөрөөдлөө биелүүллээ

-Төрийнхөө их баяр наадамд их морь түрүүлгэсэнд баяр хүргэе?  Баярынхаа сэтгэгдлээс хуваалцахгүй юу?
-Сайхан наадаж байна. Өнөөдөр АХ-ын их ойдоо их морь түрүүлгэлээ. Төрийн наадамдаа их морь түрүүлгэх нь моринд дуртай хүн болгоны мөрөөдөл шүү дээ. Тэр мөрөөдөл маань өнөөдөр биеллээ. Хул  морь Амарбат гээд дүүгийн маань адуу байгаа юм.
-Тод манлай  “Жавхлант шаргын хурд”-д  мөн их морь түрүүлгэсэн?
-Тэгсээн. “Жавхлант шаргын хурд” уралдаанд хээр морь маань түрүүлж, хул морь 20 хэдээр давхисан. Өмнө нь Сүхбаатар аймгийн наадамд аман хүзүүдэж байсан юм. Хул морь над дээр ирж уягдаад анхны жилээ төрийн их баяр наадамдаа түрүүлж байгаа нь энэ.
-Удам угшлыг нь танилцуулаач?
-Сүхбаатар аймгийн Дарьганга сумын адуу. Эзнийг нь санахгүй байна, Булган аймгийн Гурванбулаг сумын уугуул, МУ-ын Алдарт уяач Дамбын Хишигжаргалаас өнгөрсөн хавар авсан юм.
-Модон морин жил гарсаар яаж наадав?
-Морин жил гарсаар хаврын бүсийн Дүнжингарав уралдаандаа хоёр азарга айрагдуулсан. Тэгээд өнөөдөр их морь түрүүлгэлээ.
-Наадмын өдөр учраас “Тод магнай” сайтаар дамжуулан ард түмэндээ мэндчилгээ дэвшүүлнэ үү?
-Монголын ард түмэндээ АХ-ын 93 жилийн ойн баяр наадмын мэнд хүргэж, адууны босоо цагаан хийморь үргэлж ивээж явах болтугай гэж хүсэн ерөөе.
-Дараа дараагийн уралдаануудад  тань амжилт хүсье.

У.Энхмаа