Түрүү хязаалангийн унаач Б.Дэмбэрэлдодов: Улсын наадамд анх удаагаа морь түрүүлгэж байна

-Өнгөрсөн жил Бандгаан бор морийг унаж айрагдуулж байсан. Өнөө жил хязаалан үрээ түрүүлгэлээ. Баяр хүргэе.
-Баярлалаа. Ноднин улсын наадамд есөн насны морь унаж, их насанд Ганхуяг ахын бор морийг унаж айрагдуулсан. Улсын наадамд анх удаагаа морь түрүүлгэж байна.
-Дорнодоос ирж уралдаж байна уу?
-Тиймээ.
-Улсын наадамд хэд дэх жилдээ морь унаж байна байгаа вэ?
-Дөрөв дэх жилдээ унаж байна. Уржнан эрлийз ангилалд “Дорнын унага” галынхаа Мөнхсайханы морийг унаж айрагдсан. Бас төвийн бүсэд Батсайханы хар азаргыг унаж таваар, хүрэн соёолонг нь унаж аман хүзүүдүүлж байсан.
-Өнгөрсөн жил улсын наадмын дараа бүсийн наадмууд залгасан байгаа. Аль бүсэд  очиж наадсан бэ?
-Архангайн бүсэд очиж хязаалан долоолоогоор давхиулсан.
-2014 он гарсаар хаана хаана наадав?
-Дүнжингаравт уралдаж арав гаргаж давхисан.
-Өнөөдрийн хувьд уралдааны зам ямархуу байна вэ?
-Гайгүй байна, шороо тоос багатай.
-За баярлалаа. Дараа дараагийн уралдаануудад амжилт хүсье.
У.Энхмаа