Зуны бүсийн таван уралдаан болно

Улсын их баяр наадмыг залган монгол орны дөрвөн зовхист Засгийн газрын тогтоолт зуны бүсийн уралдаанууд зохион байгуулагддаг уламжлалт тогтоод арав гаруй болж байна.  Монголын Морин Спорт Уяачдын Холбооны санал санаачлагын дагуу  Засгийн газрын шийдвэрээр зохион байгуулдаг  зуны улсын бүсийн уралдаан өнөө жил тав болж өргөжлөө. Уралдаан хангай, говь, баруун, зүүн , төв гэсэн ангилалаар Баянхонгор, Ховд, Хөвсгөл, Дорнод, Дундговь зэрэг аймагт  7-р сарын 25, 26-ны өдрүүдэд зохион байгуулагдана. Уралдааны холбогдолтой мэдээллийг бид цаг тухайд нь хүргэж байх болно. Та бүхэн бидэнтэй хамт байгаарай.
Ц.Амарбаяр