”Өмнөговийн шигшмэл хурд-2014” уралдааны айргийн хүлгэд-доод нас

 "Өмнөговийн шигшмэл хурд-2014" аймгийн аварга хүлэг шалгаруулах уралдаанд түрүүлж айрагдсан бага насны морьдын фото зургийг танилцуулгын хамт хүргэж байна.
 Хязаалан:
1.Хүрмэн сумын уугуул, аймгийн Алдарт уяач А.Жаргалсайханы хул алаг. Дундговь аймгийн Хулд сумын уугуул, МУ-ын Алдарт уяач Б.Баярсайханы унаган адуу бөгөөд даагандаа "Ардчилал-2012" наадамд түрүүлж, өнгөрсөн жил Өмнөговь аймгийн баяр наадамд таваар давхиж, дөрвөн сумын тэгш ойд айрагджээ. Харин энэ  он гарсар "Хангарьд-2014" нийслэлийн тэргүүн хүлэг шалгаруулах уралдаанд айрагдаж, "Шигшмэл монгол"-д түрүүлж, Дундговь аймгийн хаврын бүсийн уралдаанд айрагдсан байна. Алаг үрээний уяаг аймгийн Алдарт уяач Б.Лхагва-Очир тааруулдаг билээ.
2. Ханбогд сумын уугуул, сумын ИТХ-ын дарга, аймгийн Алдарт уяач Х.Нэхийтийн хар
3.Хүрмэн сумын уугуул, "Өмнийн говийн хүлэг" МСУХ-ны тэргүүлэгч Ш. Баянбатын зээрд халзан. Халзан үрээ Тод манлай уяач А.Батсүхийн унаган адуу бөгөөд өнгөрсөн жил аймгийнхаа баяр наадамд айрагдаж байсан юм.
4. Ноён сумын уугуул Ж.Мөнхтүвшингийн хул. Хул үрээ Дундговь аймгийн Луус сумын уугуул, аймгийн Алдарт уяач Б.Ганзоригийн унаган адуу бөгөөд өнгөрсөн жил аймгийнхаа баяр наадамд зургаад хурдалсан гэдэг.
5.Цогтцэций сумын уяач Бямбацогтын шарга. Шарга үрээ Дорноговь аймгийн Алтанширээ сумын харьяат Ууганбаярын унаган адуу бөгөөд Цогтцэций сумын уугуул, аймгийн Алдарт уяач Н.Алдаржаргал уяжээ.
Шүдлэн:
1.Цогтцэций сумын уугуул, аймгийн Алдарт уяач Н.Амгалангийн хүрэн. Хүрэн үрээ өнгөрсөн жил аймагтаа түрүүлсэн ба Алдартын Амгалан хонгор азарганы нь төл юм.
2. Ханхонгор сумын уугуул, аймгийн Алдарт уяач Н.Энхболдын зээрд.
3. Номгон сумын уяач С.Болдоогийн хонгор
4. Ханхонгор сумын уяач Б.Төрбатын хар
5. Манлай сумын уяач Б.Амгаланбаатарын зээрд
Даага:
1. Цогтцэций сумын уугуул, аймгийн Алдарт уяач Н.Амгалангийн хар.
2. Цогтцэций сумын уугуул, аймгийн Алдарт уяач Н.Энхсайханы сартай зээрд
3. Булган сумын уяач М.Түвшингийн халиун.
4. Цогтцэций сумын уугуул, аймгийн Алдарт уяач Н.Алдаржаргалын сартай хонгор.
5.Хүрмэн сумын уяач А.Түмэнбаярын хээр тус тус түрүүлж айрагджээ.
А.Мөнх