Булган сүүлтэй бүх цэргийн наадам

Тун удахгүй цэргийн цол чимэг олгодог “Бүх цэргийн наадам” болох гэж байна. Энэхүү барилдааныг албан ёсоор 1992 оноос эхлэн жилд нэг удаа хүчний байгууллагууд спорт хороод нэгдэн хийх болжээ. 1992 оноос 2013 оны хүртэлх үзүүр түрүүг жагсаавал:
1992. С.Дэлгэрбат – Ч.Ганбаатар
1993. У.Сүхбаатар – И.Доржсамбуу
1994. И.Доржсамбуу – Г.Өсөхбаяр
1995. Г.Өсөхбаяр – Ч.Батзориг
1996. С.Мандах – У.Балжинням
1997. Ц.Мягмарсүрэн – Д.Энхтөр
1998. Ц.Цэрэнчимэд – Б.Ганбат
1999. Б.Бадам-Очир- Ш.Уламбаяр
2000. Д.Цогзолдорж – Т.Амартүвшин
2001. Д.Цогзолдорж – И.Ёндонсамбуу
2002. Т.Мөнгөнцоож  - Т.Амартүвшин
2003. М.Батжаргал – Ж.Гансүх
2004. Д.Лхагвадорж – Н.Нямаа
2005. А.Бямбажав – Т.Санчир
2006. Н.Ганбаатар – Ж.Бат-Эрдэнэ
2007. А.Бямбажав – Б.Батмөнх
2008. Ч.Санжаадамба – Н.Батзаяа
2009. С.Мөнхбат – Ө.Бат-Орших
2010. Ч.Санжаадамба – Э.Тулга
2011. Ч.Батчулуун – Ш.Мөнгөнбаатар
2012. Б.Ганзориг – Б.Пүрэвсайхан.
2013. Л.Цэрэнтогтох – А.Алтанхуяг
Бүх цэргийн наадам 1992 оноос хойш 22 удаа болсон бөгөөд 22 удаагийн наадмын түрүү бөхчүүдээс улсын даян аварга 1, улсын аварга 1, улсын гарди 2, улсын заан 2, улсын харцага 3, улсын начин 8 төржээ. Мөн үзүүрлэсэн бөхчүүдийн дийлэнх нь улсын цол чимэг хүртсэн байдаг. Бүх цэргийн наадамд 1992 – 2005, 2007- 2009 онуудад 128, 2006 онд 112, 2010 оноос өнөөг хүртэл 256 бөх зодоглон барилдах болжээ. Улсын заан Ч.Санжаадамба 2008, 2010 онуудад, улсын харцага А.Бямбажав 2005, 2007 онуудад, улсын начин Д.Цогзолдорж 2000, 2001 онуудад тус бүр хоёр удаа түрүүлсэн бол улсын даян аварга Г.Өсөхбаяр, улсыг гарди И.Доржсамбуу нар нэг түрүү, нэг үзүүр, улсын начин Ц.Цэрэнчимэд нэг түрүү, хоёр их шөвөг, улсын харцага Т.Амартүвшин хоёр үзүүр, улсын заан Т.Санчир, улсын начин У.Балжинням, улсын начин Б.Пүрэвсайхан, аймгийн хурц арслан Ш.Мөнгөнбаатар нар нэг үзүүр, нэг шөвгөрсөн амжилтаар нийт бөхчүүдээ манлайлж байна.
Булган сүүлтэй наадмын өнөө жилийн түрүү бөхөөр хэн тодрохыг 2014 оны 6 дугаар сарын 14-ий өдрийн 14 цагаас МБӨ-д очиж үзээрэй. Мөн бүх цэргийн наадамд хэн хэн дээгүүр барилдах боломжтой болоод цол чимэг нэмэх бөхчүүдийн талаар таамаглал, бичвэрийг тун удахгүй манай сайт хүргэх болно.
МУИС-ийн оюутан Т.Түмэндэмбэрэл