Их салхин буюу түүний төлүүд

Будённый цэвэр цусны эрлийз азаргануудын нэгдүгээр үеийн төлүүдээс Колизей дуудлагатай хүрэн халзан азарганы төл, Хэнтийгээс худалдаж авсан хүрэн гүүнээс 1971 онд гарсан Их салхин дуудлагатай зурвас хүрэн халзан 1974 онд Ардын хувьсгалын  53 жилийн ойн их баяр наадмын соёолон насны морьдын уралдаанд дөрөвт, 1976 онд Ардын хувьсгалын 55 жилийн ойн их баяр наадмын азарганы уралдаанд гуравт, 1977 онд Ардын хувьсгалын 56 жилийн ойн их баяр наадмын азарганы уралдаанд түрүүлсэн. Энэ азарганы төл 1975 онд төрсөн Солонго дуудлагатай цавьдар халзан 1981 онд Ардын хувьсгалын 60 жилийн ойн их баяр наадмын шүдлэнгийн уралдаанд түрүүлж, 1982 онд Ардын хувьсгалын 61 жилийн ойгоор хязаалангийн уралдаанд аман хүзүү, 1983 онд Ардын хувьсгалын 62 жилийн ойгоор соёолонгийн уралдаанд дөрөвт, 1985 онд Ардын хувьсгалын 64 жилийн ойн их баяр наадмын азарганы уралдаанд түрүүлж, Ардын хувьсгалын  жилийн ойгоор азарганы уралдаанд дөрөвт, Ардын хувьсгалын 66 жилийн ойгоор түрүүлж, Ардын хувьсгалын 67 жилийн ойн их баяр наадмаар гуравт тус тус хурдалж, нийтдээ Улсын баяр наадмын уралдаанаас гурван түрүү, дөрвөн айраг хүртсэн эгнэшгүй хурдан хүлэг болой.
Мөн Их салхин хүрэн халзан азарганы төл 1975 онд төрсөн Алтангадас дуудлагатай хүрэн халзан /эх нь тойруулга гаралтай хонгор гүү/ азарга 1980 онд Ардын хувьсгалын 59 жилийн ойн их баяр наадмын азарганы уралдаанд түрүүлж, 1981 онд Ардын хувьсгалын 60 жилийн ойгоор 87-д, 1983 оны Ардын хувьсгалын 62 жилийн ойгоор 29-д, 1984 онд Ардын хувьсгалын 63 жилийн ойн их баяр наадмын азарганы уралдаанд дөрөвт, 1985 онд Ардын хувьсгалын 64 жилийн ойгоор дөрөвт хурдалсан.
МУ-ын Манлай уяач, морин спортын ууган мастер Т.Даваадорж