Эрдэнэбатын Даш түрүүлжээ

Хэнтий аймгийн Баян-Овоо сумын харьяат ХХ зууны манлай сумын заан Гэнэнгийн Чулуунбаатарын нэрэмжит, төр нийгмийн нэрт зүтгэлтэн Дансранбилэгийн Догсомын мэндэлсний 130 жилийн ойд зориулсан сумын заануудын чуулга барилдаан Хэнтий аймагт боллоо. Тус барилдаанд хот хөдөөгийн 60 гаруй сумын заан 4 хэсэгт хуваагдан хүч үзэж, хэсэг бүрээс таван бөх шигшээд шалгарсан байна. Шигшээд шалгарсан 20 бөх тойргоор барилдаж аваргаа шалгаруулахад:
1. Дундговь аймгийн Эрдэнэдалай сумын харьяат “Аварга” биеийн тамирын дээд сургууль, “Алдар” спорт хорооны бөх сумын заан Эрдэнэбатын Даш унаагүй түрүүлж
2. Дархан-Уул аймгийн Хонгор сумын харьяат “Цайдам Ургац” компаний бөх сумын заан Сүрэнжавын Очирбат дэд байрт,
3. Архангай аймгийн Хотонт сумын харьяат, улсын аварга шалгаруулах барилдааны 6-р байрын шагналт, Рэнчинсамбуугийн Бэхбат гутгаар байрт,
4. Увс аймгийн Тэс сумын харьяат, саяхан болсон ШУТИС-ийн аварга,  сумын заан Батжаргалын Мөнхбаяр дөтгөөр байрт
5. Завхан аймгийн Завханмандал сумын харьяат, а.а Б.Уртбаярын үеэл дүү, сумын заан Болормаагийн Хүдэрчулуун тавдугаар байрт
6. Завхан аймгийн Отгон сумын харьяат, а.х Т.Бэгзсүрэнгийн дүү, сумын заан Төрмөнхийн Дүгэрдорж зургадугаар байрт тус тус шалгарчээ.
Сар гаруйн өмнө Хэнтий аймагт мөн сумын заануудын тойргийн барилдаан болж Өвөрхангай аймгийн Нарийнтээл сумын заан, Баяртогтохын Мөнх-Өрнөх түрүүлж, Цайдам Ургацын С.Очирбат  мөн удаалж, Сэлэнгэ аймгийн Орхонтуул сумын харьяат, Таван Хан дэвжээний бөх, сумын заан Нямжавын Ширчинхүү гутгаар байр, Увс аймгийн Ховд сумын харьяат, сумын заан Лхагвасүрэнгийн Энхсаруул дөтгөөр байр, Өвөрхангай аймгийн Нарийнтээл сумын харьяат, сумын заан Содномдоржийн Даваадорж тавдугаар байр тус тус эзэлсэн билээ.
МУИС-ийн оюутан Т.Түмэндэмбэрэл