Ч.Баянмөнх түрүүлэв

Сэлэнгэ аймгийн бөхчүүдийн барилдаан Их шавийн дээд сургуульд болов. Барилдаанд у.н Н.Бүрэнбаатар, Ч.Баянмөнх, а.а Б.Дэлгэрсайхан, Б.Уугандаваа нараар манлайлуулсан хүчит48 бөх зодоглолоо.
Барилдааны нэгийн даваанд Мандал сумын заан Т.Лхагвасүрэн, сумын заан Б.Мөнхтулгыг, Мандал сумын заан Я.Мандалбаяр, Сант сумын заан Түмэнжаргалыг, Сант сумын заан Б.Баатарболд, Орхонтуул сумын заан С.Оргилбаатарыг, Бугант тосгоны харьяат, сумын заан Б.Цогтбаяр, Хүдэр сумын заан Д.Баясгаланг, Ерөө сумын заан О.Болд-Эрдэнэ Сант сумын заан Б.Ганбаярыг, Түнхэл тосгоны харьяат сумын заан Х.Жанболат сумын заан Шинэбаярыг, Орхонтуул сумын заан Н.Ширчинхүү Мандал сумын заан Э.Батхуягийг, Сант сумын заан Х.Отгон-Эрдэнэ Цагааннуур сумын заан Н.Жаргалсайханыг, Түнхэл тосгоны бөх, сумын заан Г.Ганхөлөг сумын заан Түмэнжаргалыг, Баруунбүрэн сумын заан Б.Улаалзгана сумын заан Одбаярыг тус тус өвдөг шороодуулжээ.
Хоёрын даваанд сумын заан Т.Лхагвасүрэн у.н Н.Бүрэнбаатартай нэлээн сайн барилдаанд өвдөг шороодсон бол Аварга ДС-ийн оюутан, Сант сумын заан Б.Баатарболд а.а Б.Дэлгэрсайханыг уран сайхан мэхээр давж үзэгчдийг шуугиулсан байна. Мөн а.н М.Жаргалсайхан а.н Х.Чинбатыг даацтай давхар тохож давсан бол с.з Н.Ширчинхүү ц.з Э.Тулгыг, с.з Отгон-Эрдэнэ а.х Ж.Мандахбаярыг тус тус давсан байна.
Гурвын даваанд а.н.н Н.Баярбаатар а.з Б.Эрдэнэбаярыг, а.х А.Мөнхтүшиг а.з Э.Саранбаатарыг тус тус давсан бол тунасан хоёрын барилдаанд а.н.н Н.Энхжаргал давжээ.
Ийнхүү Сэлэнгэ нутгийнхны барилдаанд манлайлан барилдсан хоёр начин шалгарч Мандал сумын харьяат, улсын начин Чотонгийн Баянмөнх түрүүлж Баруунбүрэн сумын харьяат, улсын начин Наранцэцэгийн Бүрэнбаата үзүүрлэлээ. Их шөвөгт Баянгол сумын харьяат, аймгийн арслан Батсүхийн Уугандаваа шалгарав. Уран барилдааны тусгай шагналыг Сант сумын заан, Бат-Одын Баатарболдод гардууллаа.
Хоёрын даваа
1. Н.Бүрэнбаатар у.н – Т.Лхагвасүрэн с.з
2. Ч.Баянмөнх у.н – Я.Мандалбаяр с.з
3. Б.Дэлгэрсайхан а.а – Б.Баатарболд с.з
4. Б.Уугандаваа а.а – Б.Цогтбаяр с.з
5. Б.Эрдэнэбаяр а.з – О.Болд-Эрдэнэ с.з
6. Э.Саранбаатар а.з – Х.Жанболат с.з
7. Э.Тулга ц.з – Н.Ширчинхүү с.з
8. Ж.Мандахбаяр а.х – Х.Отгон-Эрдэнэ с.з
9. А.Мөнхтүшиг а.х – Г.Ганхөлөг с.з
10. Н.Энхжаргал а.н.н – Б.Улаалзгана с.з
11. Н.Баярбаатар а.н.н – Д.Төрболд а.н
12. М.Жаргалсайхан а.н – Х.Чинбат а.н
Гурвын даваа
1. Н.Бүрэнбаатар у.н – Х.Отгон-Эрдэнэ с.з
2. Ч.Баянмөнх у.н – М.Жаргалсайхан а.н
3. Б.Уугандаваа а.а – Б.Баатарболд с.з
4. Б.Эрдэнэбаяр а.з – Н.Баярбаатар а.н.н
5. Э.Саранбаатар а.з – А.Мөнхтүшиг а.х
6. Н.Энхжаргал а.н.н – Н.Ширчинхүү с.з
Дөрвийн даваа
1. Н.Бүрэнбаатар у.н – Н.Баярбаатар а.н.н
2. Ч.Баянмөнх у.н – Н.Энхжаргал а.н.н
3. Б.Уугандаваа а.а – А.Мөнхтүшиг а.х
Тавын даваа
1. Н.Бүрэнбаатар у.н – гоцлов
2. Ч.Баянмөнх у.н – Б.Уугандаваа а.а
Зургаагийн даваа
1. Н.Бүрэнбаатар у.н – Ч.Баянмөнх у.н

Мэдээллийг: Сумын заан О.Болд-Эрдэнэ