"Ирээдүйн хурд-2014" бага гурван насны бооцоот уралдаан

Баянхонгор аймгийн Галуут сумын “Том чихт бор” МСУХолбоо Морин жилийнхээ анхны уралдааныг зохион явууллаа. Тус холбоо тогтмол зохион явуулдаг уралдаан дээрээ нэгэн шинэ уралдааныг нэмсэн нь “Ирээдүйн хурд-2014” бага гурван насны бооцоот уралдаан юм. “Ирээдүйн хурд” бага гурван насны уралдааныг цаашид жил бүр уламжлал болгон зохион явуулахын сацуу Баянхонгор аймгийн цаашлаад зэргэлдээх аймгийн уяачдын хүсэн хүлээдэг уралдаан болгохоор зорьж байгаа юм байна. Энэ удаагийн уралдааны бооцоо нас тус бүрт 50.000 төгрөг байсан бол ирэх жил 200.000 цаашлаад 500.000, 1.000.000 төгрөгний бооцоот уралдаан болгох төлөвлөгөөтэй ажиллаж байгаагаа тус холбооны тэргүүн  Г.Дүүрэнбилэг дуулгаж байсныг дурдах нь зүй.
Тус холбоо 2014 оныг “Унаач хүүхдийг аюулгүй уралдуулах жил” болгон зарласантай холбогдуулан том жижиг гэлтгүй бүхий л уралдаанд бүх хүүхдийг хамгаалалтын хувцастай мордуулах, уралдааныг нэг ч машин мотоцикль дагуулахгүй байх шаардлага тавьж ажилласны үр дүн “Ирээдүйн хурд-2014” уралдаан дээр гарлаа.Уг уралдааны үеэр нэг ч хүүхэд мориноосоо унаагүй, бэртэл гэмтэл аваагүй нь наадамчин олны талархалыг хүлээсэн үйл явдал болсон юм. Мөн уяачдын тавьсан бооцооны мөнгөнөөс ямар нэг байдлаар татвар татаас аваагүй, медаль, өргөмжлөл, бусад зардлын өртгийг суутгалгүй цугларсан мөнгийг шударгаар уяачдадаа хуваан өгсөн нь наадамчин олон, уяач, унаачдын сэтгэлд хүрсэн зүйл боллоо. “Ирээдүйн хурд-2014” бага гурван насны бооцоот уралдааны дааганы медаль өргөмжлөлийг сумын Төрийн банкны эрхлэгч Д.Батболд, айрагдсан морьдын хүүхдүүдийн гарын бэлгийг тус сумын уугуул иргэн С.Ариунболд, хязаалан, шүдлэн насны медаль, өргөмжлөл, уяачдад бэлэглэсэн “Тод магнай” сэтгүүлийн дугааруудыг “Том чихт бор” МСУХолбооны тэргүүн, Галуут сумын Засаг даргын орлогч Г.Дүүрэнбилэг нар тус тус ивээн тэтгэж оролцсоныг тэмдэглэх нь зүйтэй.
Хязаалан
1. Баянхонгор аймгийн Баянхонгор сумын уяач Ж.Дэлгэрдалайн -“МСҮТ” алаг
2. Баянхонгор аймгийн Галуут сумын 5-р багийн уяач Х.Сандагсүрэнгийн Буган хул
3. Баянхонгор аймгийн Галуут сумын 5-р багийн уяач Б.Баярсайханы Цоглог шарга
4. Баянхонгор аймгийн Галуут сумын 3-р багийн уяач М.Агваандандарын саарал
5. Баянхонгор аймгийн Галуут сумын 3-р багийн уяач Б.Батхолбоогийн хээр
6. Баянхонгор аймгийн Галуут сумын 6-р багийн уяач Б.Чойжилсүрэнгийн шар хээр
Шүдлэн
1. Баянхонгор аймгийн Галуут сумын 2-р багийн уяач С.Энхбатын буурал
2. Баянхонгор аймгийн Галуут сумын 6-р багийн уяач Э.Санжаагийн Аварга хул
3. Баянхонгор аймгийн Галуут сумын 2-р багийн уяач С.Энх-Амгалангийн хээр буурал
4. Баянхонгор аймгийн Галуут сумын 6-р багийн уяач Б.Чойжилсүрэнгийн халтар
5. Баянхонгор аймгийн Галуут сумын 3-р багийн уяач С.Ганзоригийн хондон
6. Баянхонгор аймгийн Галуут сумын 3-р багийн уяач М.Агваандандарын халзан
Даага
1. Баянхонгор аймгийн Бөмбөгөр сумын уяач н.Алтан-Очирын хүрэн
2. Баянхонгор аймгийн Шаргалжуут тосгоны уяач н.Батнасангийн халзан
3. Баянхонгор аймгийн Баянхонгор сумын уяач Батбаярын саарал
4. 
5. Баянхонгор аймгийн Галуут сумын 1-р багийн уяач н.Өнөбатын шарга

Г.Дүүрэнбилэг