Хурдан морь унаач Г.Отгонпунцаг: Шороотой үед уралдах нь илүү хүндрэлтэй байна

-Азаргаа айргийн дөрвөөр хурдлуулсан авхаалжтай хүүд баяр хүргэе. Манай уншигчдад өөрийгөө танилцуулахгүй юу?
-Намайг Ганбаатарын Отгонпунцаг гэдэг. Би энэ жил 12 настай. Анх гурван настайдаа морь унаж сурсан. Тэгээд удалгүй хурдны морь унадаг болсон.
-Өнөөдрийн уралдаан ямар санагдав?
-Шороо тоос ихтэй болохоор зам харагдахгүй байсан. Машинууд нь дээр гарчихаад тоосон дунд уралдахаар урдах замаа харагдахгүй байна лээ.
-Өмнө нь хаврын уралдаануудад морь унаж байсан уу?
-Унаж байсан. Аймгийн бүсийн уралдаанд арван хэдээр давхиулж байсан.
-Цастай үед уралдах, шороотой үед уралдах хоёрын аль нь илүү хүндрэлтэй байна вэ?
-Шороотой нь илүү хүндрэлтэй байна. Нүд ам руу ороод. За харагдахгүй хэцүү байлаа. Цастай үед уралдах нь илүү дээр байдаг.
-Өнөөдрийн уралдаанд хэдэн насны морь унах вэ?
-Гурван насны морь унана.
-Дараагийн уралдаануудад чинь амжилт хүсье.
-Баярлалаа.
У.Энхмаа