Уралдаанч хүүхдүүд эрхийнхээ төлөө нэгдэв

Хэрлэн сумын уралдаанч хүүхдийн аюулгүй байдлыг хангах, хүүхдийг болзошгүй эрсдлээс урьдчилан сэргийлэхэд эцэг эх, асран хамгаалагч, төрийн болон төрийн бус байгууллагуудын үүрэг хариуцлагыг нэмэгдүүлэх зорилгоор “Уралдаанч хүүхдийн аюулгүй байдал” зөвлөгөөнийг Хүүхэд гэр бүлийн хөгжлийн хэлтэс, Хөдөлмөрийн хэлтэс, МСУХ хамтран 2014 оны 04 дүгээр сарын 30 ны өдөр зохион байгууллаа. Зөвлөгөөнд Хэрлэн сумын ЕБС-ийн уралдаанч 90 хүүхэд,  45 эцэг эх уяачдын төлөөлөл оролцлоо. Уралдаанч хүүхдүүдүүд асуудлаа гаргахдаа / боловсролын асуудал буюу сургууль завсардал, хоцрогдол, чөлөө авах/,  /эрүүл мэнд буюу бэртэл гэмтэл, гэнэтийн ослын даатгал нөхөр төлбөр/, /нийгмийн хамгаалал буюу хамгаалах хэрэгсэл, урамшуулал, спортын цол зэрэг,  хөдөлмөр эрхлэлт/ гэсэн асуудлаар ярилцаж тулгамдаж буй олон асуудлыг хүүхдүүд өөрсдөө гаргаж  эцэг эхчүүддээ, уяачидад, хүүхдийн өмнө үүрэг хүлээгчидэд дуу хоолойгоо хүргэлээ.
Зөвлөгөөний үеэр ХГБХХ, Хөдөлмөрийн хэлтэс, Уралдаанч хүүхэд бүрийн  аюулгүй байдал”чиглэлээр санамжийг танилцуулж,  Бодь даатгалын зүгээс хүүхдийн гэнэтийн ослын даатгалын ач холбогдол, нөхөн төлбөр, Хэрлэн сумын уяачдын холбооны нарийн бичгийн дарга Б.Батсайхан “Уралдаанч хүүхдийн хамгаалах хэрэгсэл” хувцасны сонголт, хэрхэн зөв өмсөх ач холбогдолын талаар зөвлөгөө өгч ажиллалаа.
Дөрөвдүгээр сарын 30 нь “Хүүхдээ зодож шийтгэхгүй байя” Олон улсын өдөр Эцэг эхчүүдээ хүмүүжлийн эерэг аргаар хүүхдээ хүмүүжүүлэх аргад суралцуулах зорилгоор Уралдаанч хүүхдүүдийн эцэг эхчүүд зөвлөгөөний дараа “Хүмүүжлийн эерэг аргууд” сургалтыг зохион байгуулж Хүүхдэдээ бахархан дуурайх хүн нь байхыг уриаллаа.
Б.Батсайхан