"Бишрэлт гүний хурд-2014" бага гурван насны уралдаанаас...

Морь шинжиж, уяаж сойж, уралдаан наадам зохион байгуулж гайхагдаж явсан Бишрэлт гүн Сундуй ноёноороо бахархаж явдаг Хишиг-Өндөрчүүд, “Бишрэлт гүний хурд” МСУХ-ны хамт олон гурав дахь жилдээ “Бишрэлт гүний хурд-2014” Булган аймгийн хаврын бүсийн бага гурван насны уралдааныг Хишиг-Өндөр суманд 2014 оны дөрөвдүгээр сарын 26-ны өдөр амжилтай зохион байгууллаа.
Энэхүү уралдааныг сумын МСУХ-ны тэргүүн, “Сэцэд” ХХК-ийн захирал Дашдондогийн Батбаяр хөрөнгө санхүү гарган, сумын МСУХ-ны тэргүүлэгчид, сумын ЗДТГ, Цагдаа, Хүн эмнэлгийн ажилтнууд хамтран зохион байгуулж, Булган, Орхон, Архангай, Өвөрхангай, Дорнод, Төв аймгийн 23 сумын уяачид хүлэг морьдынхоо хурд шандсыг шалгаж уралдууллаа.
Хязаалан насанд 42 хурдан үрээ мордсоноос:
1. Төв аймгийн Заамар сумын уугуул, аймгийн Алдарт уяач Р.Сүхбаатарын ухаа халзан
2. Төв аймгийн Заамар сумын уяач Б.Наранхүүгийн хээр
3. Төв аймгийн Цээл сумын уяач Д.Бямбадаваагийн хүрэн халзан
4. Булган аймгийн Дашинчилэн сумын уугуул, аймгийн Алдарт уяач Д.Буянбаатарын Тажин
5. Төв аймгийн Цээл сумын уяач Д.Бямбадаваагийн цавьдар

Шүдлэн насанд 34 хурдан үрээ мордсоноос:
1. Төв аймгийн Заамар сумын уугуул, аймгийн Алдарт уяач Р.Сүхбаатарын сартай хээр 
2. Төв аймгийн Заамар сумын уугуул, аймгийн Алдарт уяач Р.Сүхбаатарын хул 
3. Булган аймгийн Бүрэгхангай сумын уугуул, аймгийн Алдарт уяач Б.Дэндэвдоржийн хүрэн
4. Булган аймгийн Могод сумын уугуул, аймгийн Алдарт уяач М.Батжаргалын хүрэн
5. Булган аймгийн Бүрэгхангай сумын уугуул, аймгийн Алдарт уяач Б.Дэндэвдоржийн сартай цавьдар

Даага насанд 43 мордсоноос:
1. Булган аймгийн Хутаг-Өндөр сумын уугуул, сумын Алдарт уяач Г.Гантулгын хул
2. Төв аймгийн Заамар сумын уяач Б.Наранхүүгийн зээрд
3. Булган аймгийн Орхон сумын уугуул, аймгийн Алдарт уяач В.Наранхүүгийн хонгор
4. Төв аймгийн Заамар сумын уугуул, аймгийн Алдарт уяач Р.Сүхбаатарын сартай хээр
5. Булган аймгийн Хишиг-Өндөр сумын уяач Т.Тогоохүүгийн хүрэн тус тус хурдаллаа.
“Булганхангай” МСУХ-ны нарийн бичгийн дарга Б.Ууганбаяр