Монгол Жоки Клубын уралдаан ирэх сарын 10-нд болно

Монгол Жоки Клубээс цэвэр цусны болон эрлийз адууны хаврын уралдааныг шүдлэн, хязаалан хоёр насны ангиллаар зохиохоор төлөвлөж, бэлтгэл ажилдаа ороод байгаа билээ. Уралдааны журмын дагуу 2014 оны гуравдугаар сарын 1-ээс хойш бүртгэлийн хураамж  нэмэгдэж 800 ам.доллар болсон. Тус клубын энэ жилийн уралдаанд одоогийн байдлаар 17 уяач бүртгүүлээд байгаа бөгөөд тавдугаар сарын 10-ны өдөр Цагаан хөтөлд зохион байгуулагдана. Түүнчлэн энэхүү уралдааны дунд сунгаа тавдугаар сарын 2-нд Цагаан хөтөлд болох аж.