Race академийн захирал Кeith Rowe: Боловсрол, сургалтыг дэмжихдээ таатай байна

-Мэргэжлийн жокей ямар хугацаанд бэлтгэгддэг вэ. Суралцагчдадаа ямар шаардлага тавьдаг вэ?
-Улсынхаа морин уралдааны бизнесийг дэмжих зорилготойгоор байгуулагдсан манай академи олон төрлийн сургалт явуулдаг ч гол сургалт маань унаач бэлтгэх юм. Жокей буюу унаач нь 16, түүнээс дээш насныхан байх бөгөөд морьдоо уралдаанд хэрхэн бэлтгэж, асрах вэ гээд олон төрлийн практик дадлыг эзэмшдэг. Унаачийн нэг удаагийн элсэлтэнд 30 орчим оюутан авдаг бөгөөд академийн хувьд жилдээ 700 гаруй насанд хүрэгчдийг морьтой холбоотой төрөл бүрийн мэргэжлээр сургадаг.
-Жокей ямар хугацаанд бэлтгэгддэг вэ?
-Арван сар. Манай академид дэлхийн олон улс орны залуучууд ирж суралцдаг. Сүүлийн үед Япон, Чех, Словакаас ч ирж байгаа. Туркээс ч ирж суралцдаг. Өөрөөр хэлбэл, олон улс орны өөр өөр шашинтай хүмүүс ирж суралцдаг.
-Оюутнуудынхаа тав тухыг хангахад багагүй анхаарал хандуулдаг бололтой?
-Суралцагчид маань чөлөөт цагаа зөв боловсон өнгөрөөхөд зориулсан амралтын өрөө, бялдаржуулах заал зэргээс эхлээд олон танхим бий.
-Бусад улс оронд танай сургуулийн салбар бий юу? 
-Одоохондоо байхгүй ээ. Гэхдээ ижил төрлийн үйл ажиллагаатай бусад улс орны сургуулиудтай хамтарч ажилладаг. Жишээлбэл, Японы унаач бэлтгэх сургуулийг бид үүсгэн байгуулалцаж, багш боловсон хүчнээ явуулдаг байсан. Одоо ч гэсэн тэр харилцаа маань хэвээрээ байгаа. Мөн Солонгос унаачийн сургуулийг байгуулахад Японы нэгэн адил тусламж дэмжлэгийг үзүүлж байсан.
-Монгол Улсад сургууль байгуулахаар болвол туслах боломжтой юу?
-Манайх ашгийн төлөө бус байгууллага учраас боловсрол, сургалтыг дэмжихдээ таатай байдаг.
А.Тэлмэн