"Дүнжингаравын хурд-2014" уралдааны эхний 10 соёолон

Хамгийн хурдан хүлэг болох соёолонгийн уралдаанд 130 гаруй хүлэг тоосоо өргөж  Дундговь аймгийн Хулд сумын уугуул, аймгийн Алдарт уяач Цэвэлсономын Ганхүүгийн сартай загасан тамгатай хонгор халзан үрээ түрүүлсэн боловч нас ахиулж уралдсан гэсэн шалтгаанаар хасагдсан юм.

1. Дундговь аймгийн Хулд сумын уугуул, аймгийн Алдарт уяач Дэмчигцоодолын Эрболдын Тэргүүн хонгор. Энэ хурдан буянг 39 дугаартай, 13 настай Түмэнбаярын Отгондорж хүү унаж түрүүлгэв.
2. Сүхбаатар аймгийн Халзан сумын харьяат Жалбасүрэнгийн Батзандангийн бундан тамгатай бор. Бор үрээг 67 дугаартай, 13 настай Батмөнхийн Сэлэнгэзаяа хүү унаж аман хүзүүнд хурдлуулав.
3. Ховд аймгийн Дарви сумын харьяат, аймгийн Алдарт уяач Үржинбадамын Атарсайханы шарга халзан. Хурдан үрээг 55 дугаартай, 13 настай Төмөрбаатарын Гонгор хүү унаж айргийн гуравт хурдлуулав.
4. Ховд аймгийн Мөст сумын харьяат, МУ-ын Алдарт уяач Буднямын Буяннэмэхийн саарал. Энэ үрээг 90 дугаартай, 14 настай Алимаагийн Алтанхуяг хүү унаж айргийн дөрөвт хурдлуулав.
5. Булган аймгийн Хутаг-Өндөр сумын уяач Базаррагчаагийн Дамдинбазарын хээр. Хээр үрээг 36 дугаартай, 11 настай Амьбөхийн Барсхүлэгтбаатар хүү унаж айргийн тавд хурдлуулав.
6. Дорнод аймгийн Баяндун сумын уугуул, аймгийн Алдарт уяач Пүрэвдоржийн Цэгмидийн загасан тамгатай хул. Хул үрээг 99 дугаартай, 12 настай Амгалангийн Намхайнямбуу хүү унаж хурдлуулав.
7. Завхан аймгийн Түдэвтэй сумын уяач Банзрагчийн Отгонбаатарын босоо хайруул тамгатай Асгат хүрэн. Энэ үрээг 14 дугаартай, 12 настай Наранчимэгийн Хос-Эрдэнэ  хүү унаж хурдлуулав.
8. Төв аймгийн Баянжаргалан сумын уяач Бат-Очирын Дашбаатарын загасан тамгатай зэгэл. Зэгэл үрээг 10 дугаартай, 12 настай Пүрэвсүрэнгийн Тогтохсүрэн хүү унаж хурдлуулав.
9. Булган аймгийн уяач Дашийн Болор-Эрдэнийн саран дэвсгэртэй зуузай тамгатай хул.  Энэ үрээг 66 дугаартай, 9 настай Наяндунгийн Хаш-Эрдэнэ хүү  унаж хурдлуулав.
10. Сэлэнгэ аймгийн Сүхбаатар сумын уяач Дагвасамбуугийн Очирсүрэнгийн  хээр. Энэ хээр үрээг 20 дугаартай, 10 настай Бямбасүрэнгийн Жаргалбаяр хүү унаж хурдлуулсан юм.