Цэдэндоржийн Мөнхбаяр түрүүллээ

Увс аймгийн Оюутны холбооноос санаачлан зохион байгуулсан “Увс аймгийн харьяат оюутнуудын аварга шалгаруулах үндэсний бөхийн барилдаан” энэ амралтын өдрөөр боллоо.
Барилдаанд а.а Н.Жаргалбаяр, а.а Х.Оргилболд, а.з Ц.Мөнхбаяр, а.з Ц.Анхбаяр, а.з Б.Мөнхбаяр нараар манлайлуулсан хүчит 64 бөх зодоглон барилдлаа. Барилдаанд тойргийн цолоор барилдуулсан байна.
Бөхийн барилдааны гурвын даваанд ҮБТДС-ийн оюутан, а.а Н.Жаргалбаяр Шонхор ДС-ийн оюутан, с.з Г.Алтанхуягийг, БХИС-ийн оюутан, а.а Х.Оргилболд МУИС-ийн оюутан, з.б С.Дамжинг, ҮБТДС-ийн оюутан, а.з Ц.Мөнхбаяр ҮБТДС-ийн оюутан, а.н Б.Алтангэрэлийг, ШУТИС-ийн оюутан, а.з Б.Мөнхбаяр Шонхор ДС-ийн оюутан, а.н Д.Мөнхбаярыг, БХИС-ийн оюутан, а.х О.Түмэн ШУТИС-ийн оюутан, с.з Д.Урианхайг, ХААИС-ийн оюутан, а.н Т.Мөнх-Эрдэнэ МУИС-ийн оюутан, с.з П.Адьяасүрэнг амлаж давсан бол ХААИС-ийн оюутан, а.н Л.Балдорж  ШУТИС-ийн оюутан, с.з Э.Гансүх нар тунан барилдаж с.з давжээ.
Дөрвийн оноолтод а.н Т.Мөнх-Эрдэнэ а.а Х.Оргилболдыг, а.з Ц.Мөнхбаяр а.х О.Түмэнг тус тус өвдөглүүлсэн байна.
Их шөвөгт арслан Н.Жаргалбаяр а.н Т.Мөнх-Эрдэнийг амлаж давсан бол, а.з Ц.Мөнхбаяр а.з Ц.Анхбаяр нар тунан барилдаж Ц.Мөнхбаяр давжээ.
Үзүүрт а.з Ц.Мөнхбаяр давснаар энэ барилдааны түрүү бөхөөр тодорсон бол а.а Н.Жаргалбаяр үзүүрлэжээ. Ийнхүү Тэс сумын залуус тэргүүн байр булаалдсан байна.
Оноолтыг гурвын даваанаас үзнэ үү.
Гурвын даваа
1. Н.Жаргалбаяр а.а Тэс – Г.Алтанхуяг с.з
2. Х.Оргилболд а.а Тэс – С.Дамжин з.б Тэс
3. Ц.Мөнхбаяр а.з  Тэс – Б.Алтангэрэл а.н Өмнөговь
4. Ц.Анхбаяр а.з Зүүнговь – Э.Батбаян с.н Тэс
5. Б.Мөнхбаяр а.з Тэс – Д.Мөнхбаяр а.н Түргэн
6. О.Түмэн а.х Баруунтуруун – Д.Урианхай с.з Зүүнговь
7. Т.Мөнх-Эрдэнэ а.н Цагаанхайрхан – П.Адьяасүрэн с.з Зүүнговь
8. Л.Балдорж а.н Тэс – Э.Гансүх с.з Баруунтуруун
Дөрвийн даваа
1. Н.Жаргалбаяр а.а Тэс - Э.Гансүх с.з Баруунтуруун
2. Х.Оргилболд а.а Тэс - Т.Мөнх-Эрдэнэ а.н Цагаанхайрхан
3. Ц.Мөнхбаяр а.з  Тэс - О.Түмэн а.х Баруунтуруун
4. Ц.Анхбаяр а.з Зүүнговь - Б.Мөнхбаяр а.з Тэс
Тавын даваа
1. Н.Жаргалбаяр а.а Тэс - Т.Мөнх-Эрдэнэ а.н Цагаанхайрхан
2. Ц.Мөнхбаяр а.з  Тэс - Ц.Анхбаяр а.з Зүүнговь
Зургаагийн даваа
1. Н.Жаргалбаяр а.а Тэс - Ц.Мөнхбаяр а.з  Тэс
МУИС-ийн оюутан Т.Түмэндэмбэрэл