1922 он-Цэргийн наадам

А.Тэлмэн
2014 оны 4-р сарын 10 -нд

Энэ онд шинэ Засгийн газар Богдыг Монгол Улсын хаанд өргөмжилж "Ардын засагт хэмээт цаазат" засгийг байгуулсан бөгөөд уламжлал ёсоор Богд хаан лүндэн буулган дөрвөн аймаг, шавь таван газраар Богд хан хайрхан, Хан Хэнтий уулсыг тайж "Арван засгийн наадам" үйлдэн шилдэг 136 бөхийг урин залж барилдуулан, хурдан хүлэг морио уралдуулж, эрхий мэргэн онч харваачдынхаа мэлмий цэцийг сорьсон ажээ. Мөн Ардын засгийн газраас Их жанжин Д.Сүхбаатарын 30 тоот тушаал гарган "Гадаадын харгис дайсныг арилгаж, хуучин эзэрхэг засгийг устган" нэгэн жил өнгөрсөн болохоор Улсын баяр наадмыг жил бүр зуны сүүл сард ёслон тэмдэглэж байхаар тогтжээ. Шинэ Засгийн газраас журамт цэргийн сүр хүчийг түмэн олонд таниулах, улмаар цэрэг ардын холбоог бэхжүүлэх зорилгоор Улсын баяр наадммыг "Цэргийн наадам" хэмээн нэрлэхээр болжээ. Яармагийн дэнжид олон эрээн асар гэр шиг дугуйлан барьсны хамгийн хойд талын гурван том асрын дундахад Богд хаан, шашны хамба, цорж хутагт хувилгаад, зүүн талын асарт Ардын засгийн Ерөнхий сайд Жалханз хутагт С.Дамдинбазар, Хичээнгүй сайд Цэрэндорж, ноёд хатдын хамт, баруун талын асарт Д.Сүхбаатар, Лосол нарын ардын намынхан заларчээ.
Цэргийн наадмыг долдугаар сарын 30-наас гурван өдөр тэмдэглэн 704 бөх барилдуулсан бөгөөд "босоо" хэмээх Г.Вандан түрүүлж улсын арслан, "сайхан" хэмээх Д.Далантай үзүүрлэж улсын заан цол тус тус хүртсэн байна.
Наадмын хурдан морины уралдааны түрүү магнай /их нас/-гаар жанжин Д.Сүхбаатарын ухаа хонгор тодорчээ.
Үндэсний сурын харваа:
1. Д.Сүхбаатар
2. .................
3. ..................
Энэ дашрамд дурдахад, 1953 онд буюу АХ-ын 32 жилийн ойн баяр наадмын сурын харваанд жанжин Д.Сүхбаатарын хүү Галсан 20 сумаас 15 онож түрүүлэн, мөн улсын мэргэн цол хүртэж байжээ.
Анианханы Хүрэн-Алагийн Отгонбаяр

1 Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

  • 202.126.88.229

    Сайхан мэдээлэл байна. Тусгаар тогтнолын үнэ цэнэ, үндэсний бахархалт соёл, эх түүхийг ЕБС-д заавал зааж байх чухал юм даа. Баярлалаа

    Reply