Гарьд гурав дахь удаагаа түрүүллээ

“Цэргийн” хэмээх Шагж аваргын нэрэмжит барилдаан их бөхийн төрсөн нутаг болох Тосонцэнгэл суманд зохион байгуулагдав. Анхны барилдааныг Завхан аймгийн ҮБХ-ноос санаачлан 2012.05.05-нд төрсөн нутагт нь зохион байгуулж байсан билээ. Харин энэ удаагийн барилдааныг Тосонцэнгэл сумын ЗДТГ-аас зохион байгуулав.

Анхны болон өнгөрсөн он /2013.04.10/-д болсон Шагж аваргын нэрэмжит “Аваргын адислал” бөхийн барилдаанд улсын гарди Гончигдамба дараалан түрүүлээд байсан билээ. Харин өнөө жилийн барилдаанд улс, аймаг, сумын цолтой болон залуу бөхчүүд оролцсон хүчит 128 бөх уран мэх, ухаан бодол, бяр хүч, авхаалж самбааг сорин барилдаж залуу гарди Батнасангийн Гончигдамба гурав дахь удаагаа түрүүлж, өсөх идэр начин Шүхэрийн Уламбаяр үзүүрлэлээ.
Их шөвөгт Увс аймгийн Тэс сумын харьяат, улсын залуу начин Төрөөгийн Баасанхүү, Завхан аймгийн Алдархаан сумын харьяат, аймгийн арслан Лхагвын Лха-Очир нар шалгарав.
Харин дунд шөвөгт Увс аймгийн Тэс сумын харьяат аймгийн арслан Хүрэлбаатарын Оргилболд, Завхан аймгийн Отгон сумын харьяат, аймгийн харцага Төрмөнхийн Бэгзсүрэн, Завхан аймгийн Их-Уул сумын харьяат, аймгийн нэмэх начин Рэнцэнсамбуугийн Батсүх, Завхан аймгийн Идэр сумын харьяат, аймгийн начин Түмэн-Өлзийн Ганзаяа нар шалгарчээ.

Дөрвийн даваа:
1. у.г Б.Гончигдамба – с.з С.Доёддорж
2. у.н Ш.Уламбаяр – а.н П.Баярсайхан
3. у.н Т.Баасанхүү – а.н Зоригоо /Тосонцэнгэл/
4. а.х.а Т.Баттөмөр – а.н Т.Ганзаяа
5. а.а Л.Лха-Очир – а.н Ч.Мөнхтогтох
6. а.а Х.Оргилболд – а.н Б.Самдансүрэн
7. а.а Ш.Пүрэвгарди – а.х Т.Бэгзсүрэн
8. а.з Р.Батсүх – а.х Б.Чимэдвандан
 
Тавын даваа:
1. у.г Б.Гончигдамба – а.н Т.Ганзаяа
2. у.н Ш.Уламбаяр – а.х Т.Бэгзсүрэн
3. у.н Т.Баасанхүү – а.з Р.Батсүх
4. а.а Л.Лха-Очир – а.а Х.Оргилболд
 
Зургаагийн даваа:
1. у.г Б.Гончигдамба – а.а Л.Лха-Очир
2. у.н Ш.Уламбаяр – у.н Т.Баасанхүү
 
Долоогийн даваа:
1. у.г Б.Гончигдамба – у.н Ш.Уламбаяр
Мэдээллийг: Жалханз.блогспот.ком Г.Мягмарсүрэн