“Жавхлант шаргын хурд” хоёр өдөр үргэлжилнэ

Малын гоц халдварт шүлхий өвчний улмаас тогтоогоод байсан хорио цээрийн дэглэм цуцлагдсантай холбогдуулан Сүхбаатар аймгийн “Жавхлант шарга” МСУХ-ны тэргүүлэгчид энэ сарын 29-нд хуралджээ. Хуралдаанаар аймгийн тэргүүн магнай хүлэг шалгаруулах “Жавхлант шаргын хурд” хаврын уралдааны товыг баталсан байна. Хаврын тэргүүн сарын шинийн 15-ны дотор уралддаг байсан дээд гурван насны морьдын уралдаан хүндэтгэх шалтгааны улмаас хойшилсоор өнөөг хүрсэн тул 4-р сарын 25, 26-ны өдрүүдэд дээд, доод насаа хамтад нь уралдуулахаар шийдвэрлэжээ. Тодруулбал, эхний өдөр буюу 4-р сарын 25-нд их нас,соёолон, даага, харин хоёр дахь өдөр буюу 4-р сарын 26-нд хязаалан, шүдлэн насны морьд шандас шалгах аж.  Шинэ цагийн монгол буюу эрлийз морьдыг уралдуулахгүй байхаар шийдвэрлэжээ.
А.Мөнх