Аав хүү харцагуудын нэрэмжит барилдаан

Увс аймгийн Ховд сумын харьяат, Монгол улсын өсөх идэр харцага Гэлэгийн Намсрайжав, Монгол улсын залуу харцага Намсрайжавын Батсуурь нарын нэрэмжит барилдаан сайхан боллоо.
Барилдаанд а.х.а О.Гантулга, а.а Г.Батням, Бо.Батжаргал нараар манлайлуулсан хүчит 64 бөх зодоглон барилдав. Бөхийн барилдааны нэгийн даваанд Баруунтуруун с.з Э.Гансүх а.а Г.Отгонбаатарыг шороодуулж хоёрын даваанд хурц арслангийн аманд очих эрхтэй болов. Өмнөх сарын барилдаанд хоёр бөх удтал хүч сорьж сумын залуу заан давж байсан бол энэ удаад хурц арслан даагаа сайхан нэхэв. Мөн энэ даваанд Завхан аймгийн залуу харцага Төрмөнхийн Бэгзсүрэн а.а Ц.Чимэддоржийг шахаж татаад их дээр гаргаад давав.
Гурвын даваанд хурц арслан О.Гантулга а.н Б.Даваа-Очирыг, а.а Г.Батням а.з Н.Баттүвшинг, а.а Б.Батжаргал а.н.н Ч.Эрдэнэсайханыг тус тус өвдөг шороодууллаа. Давааны төгсгөлд а.а Н.Жаргалбаяр а.н Ц.Мөнхбаярыг амлаж баруун талдаа мордоод давсан бол залуу арслан Х.Оргилболд чацуутан Т.Бэгзсүрэнг амлаж уран гоё өмсөөд давсан байна. Мөн тунасан хоёрын барилдаанд харцага Д.Тогтохжаргал давжээ.
Дөрвийн даваанд хурц арслан О.Гантулга бүх цэргийн наадмаар тааран барилдаж байсан а.н.н Н.Энхжаргалыг, а.а Г.Батням сүүлийн үед илт сайжирч буй а.х Д.Тогтохжаргалыг, а.а Бо.Батжаргал а.а Х.Оргилболдыг тус тус давсан байна.
Их шөвөгт хурц арслан Хөвсгөлийн Г.Батнямыг орхиж тунасан хоёрын барилдаанд Сүхбаатарын Бо.Батжаргал давжээ.
Үзүүр түрүүнд аймгийн хурц арслан давснаар түрүү бөхөөр тодорсон байна. Хоёр бөх нэгдүгээр сарын барилдаанд мөн үзүүр түрүүнд шалгарч байсан билээ.
Оноолтыг 3-ын даваанаас үзнэ үү.
Гурвын даваа
1. О.Гантулга а.х.а – Б.Даваа-Очир а.н
2. Г.Батням а.а – Н.Баттүвшин а.з
3. Бо.Батжаргал а.а – Ч.Эрдэнэсайхан а.н.н
4. Т.Сүрэнжав а.а – Н.Энхжаргал а.н.н
5. Б.Хишигбаатар а.а – Б.Бат-Өлзий а.х
6. Н.Жаргалбаяр а.а – Ц.Мөнхбаяр а.н
7. Х.Оргилболд а.а – Т.Бэгзсүрэн а.х
8. Л.Цээсүрэн а.з  - Д.Тогтохжаргал а.х
Дөрвийн даваа
1. О.Гантулга а.х.а – Н.Энхжаргал а.н.н
2. Г.Батням а.а – Д.Тогтохжаргал а.х
3. Бо.Батжаргал а.а – Х.Оргилболд а.а
4. Б.Хишигбаатар а.а – Н.Жаргалбаяр а.а
Тавын даваа
1. О.Гантулга а.х.а – Г.Батням а.а
2. Бо.Батжаргал а.а – Н.Жаргалбаяр а.а
Зургаагийн даваа
1. О.Гантулга а.х.а – Бо.Батжаргал а.а

МУИС-ийн оюутан Т.Түмэндэмбэрэл