Баянхангайд барилдаан боллоо

Төв аймгийн Баянхангай буюу бидний нэрлэж заншсанаар Атарын сангийн аж ахуйд эх орончдын өдөрт зориулсан барилдаан боллоо.
Барилдаанд тус сумын харьяат, Монгол улсын залуу заан Батзоригийн Батмөнх зорин очиж сайхан зохион байгууллаа.
Бөхийн барилдаанд у.х Ө.Даваабаатар, а.х.а Ч.Батчулуун нараар манлайлуулсан хүчит 32 бөх зодоглон барилдлаа. Бөхийн барилдааны хоёрын даваанд сумын шилдэг заан М.Тэгшбаяр а.х Ц.Анхбаярыг тун ч дөхүүлээд өөрөө өвдөглөсөн бол гурвын даваанд у.х Ө.Даваабаатар а.з Б.Батбаатарын хөлд орж дэрлээд, а.х.а Ч.Батчулуун с.з Ш.Алтангэрэлийг шахаж өргөөд, а.а Г.Ганжад а.х Ц.Анхбаярыг мушгиад давав.
Тунасан харцагуудын барилдаанд Борнуурын Ц.Нарангэрэл давжээ.
Их шөвөгт өнөө жилийн Төв аймгийн наадмын их шөвөгт тунан барилдсан хоёр бөх оноолт таарч харцага дахин давсан бол арслангуудын барилдаан үзүүштэй болж хурц арслан бяраар илүүрхэн давсан байна.
Үзүүр түрүүнд хурц арслан бярдаж мушгиад давснаар ойрмогхон болсон хоёр ч барилдаанд түрүүллээ.
Оноолтыг гурвын даваанаас үзнэ үү.
Гурвын даваа
1. Ө.Даваабаатар у.х – Б.Батбаатар а.з
2. Ч.Батчулуун а.х.а – Ш.Алтангэрэл с.з
3. Г.Ганжад а.а – Ц.Анхбаяр а.х
4. Б.Жавхлансайхан а.х – Ц.Нарангэрэл а.х
Дөрвийн даваа
1. Ө.Даваабаатар у.х – Ц.Нарангэрэл а.х
2. Ч.Батчулуун а.х.а – Г.Ганжад а.а
Тавын даваа
1. Ө.Даваабаатар у.х – Ч.Батчулуун а.х.а

Төв аймаг, бөхийн тайлбарлагч Д.Наранбаяр