Шүхэртийн Уламбаяр түрүүллээ

Завхан аймгийн Улаанбаатар хотод оршин сууж буй ард иргэдийн золголт “Завханчуудын их золголт” нэртэйгээр сайхан зохион байгуулагдлаа.
Алдар цуутнуудаас эхлээд эгэл жирийн иргэд Монгол бөхийн өргөөг дүүргэж, Завхан нутгийн сэтгүүлүүд, сийлбэртэй гэр, сийлбэртэй ширээ худалдаалж, тасалбарийн хариулт нэг төгрөгийн сериэр 10 азтан тодруулж, тус бүрт нь 100 мянгаас нэг сая хүртэлх төгрөгөөр урамшуулж, Завханмандалын Н.Чулуунхүү, Ургамалын Б.Батболд, Баянтэсийн с.з Г.Батцэрэн нар ая дуугаа өргөж нутгийн түмнээ цэнгүүлж, у.н Ш.Уламбаяр, Л.Нямсүрэн нарын тэргүүтэй бөхчүүд зодоглон барилдаж эвтэй, эетэй сайхан золголоо.
Бөхийн барилдаанд у.ө.и.н Ш.Уламбаяр, у.н Л.Нямсүрэн, а.а Л.Лха-Очир, а.а Ж.Сүхбат нараар манлайлуулсан хүчит 32 бөх барилдав. Индэрт у.г Б.Гончигдамба у.г Ц.Цэрэнпунцагийн тухласан бол у.ө.и.н Ш.Жаргалсайхан, Ж.Оргил, у.н У.Балжинням, а.а Д.Батжаргал, М.Баярсайхан, а.з И.Батсайхан, а.н О.Батжаргал, с.з Д.Батхүрэл, З.Хангалбаатар, М.Батмягмар нарын бөхчүүд үзэгчдийн суудлаас үзэж сонирхлоо.
Бөхийн барилдааны нэгийн даваанд Цагаанчулуут сумын заан Э.Доржсүрэн а.х Ш.Чинтулгыг шуудагдаж мордож дайраад, Нөмрөг с.з Ё.Улсболд а.н.н Б.Даваадоржийг барьц сонгож хутгаад, мөн Нөмрөг с.з Д.Бат-Эрдэнэ а.н Ш.Энхтүвшинг түлхээд тус тус давав.
Хоёрын даваанд с.з Ё.Улсболд у.н Л.Нямсүрэнг дагаж тахимдаад, у.ө.и.н Ш.Уламбаяр с.з Э.Доржсүрэнг барьц сонгож мордоод, а.а Л.Лха-Очир с.з Д.Бат-Эрдэнийг мушгихад сөрж мушгиад, а.а Ж.Сүхбат с.з Б.Чимэдванданг сөрж баруун хутгаад, а.н Ч.Мөнхтогтох а.а П.Батмөнхийг муриад, а.а Б.Уртбаяр а.н Б.Ганзолбоог татаж хавираад, а.з Б.Бадамсүрэн а.х Т.Бэгзсүрэнг барьцгүй цохиод, а.н.н П.Батсүх а.а Ш.Пүрэвгарьдыг тохой сөхөж хавираад тус тус давлаа.
Гурвын даваанд у.ө.и.н Ш.Уламбаяр а.н Ч.Мөнхтогтохыг зүүн хутгаад, а.а Ж.Сүхбат а.а Л.Лха-Очирыг мордоод, а.а Б.Уртбаяр с.з Ё.Улсболдыг хавираад, а.з Б.Бадамсүрэн а.н.н П.Батсүхийг хавираад тус тус давав.
Их шөвөгт Уламаа начин а.з Б.Бадамсүрэнг мордоод, а.а Б.Уртбаяр а.а Ж.Сүхбатыг хутгаад давав.
Үзүүр түрүүнд начин барьц сонгож Б.Уртбаяр арслан сөрж тойруулж шахаж татаад тавихад начин баруун талдаа хөмрөөд давснаар энэ өдрийн түрүү бөхөөр тодорлоо.
Оноолтыг хоёрын даваанаас үзнэ үү.

Хоёрын даваа
1. Ш.Уламбаяр у.ө.и.н – Э.Доржсүрэн с.з
2. Л.Нямсүрэн у.н – Ё.Улсболд с.з
3. Л.Лха-Очир а.а – Д.Бат-Эрдэнэ с.з
4. Ж.Сүхбат а.а – Б.Чимэдвандан с.з
5. П.Батмөнх а.а – Ч.Мөнхтогтох а.н
6. Б.Уртбаяр а.а – Б.Ганзолбоо а.н
7. Ш.Пүрэвгарьд а.а – П.Батсүх а.н.н
8. Б.Бадамсүрэн а.з – Т.Бэгзсүрэн а.х

Гурвын даваа
1. Ш.Уламбаяр у.ө.и.н – Ч.Мөнхтогтох а.н
2. Л.Лха-Очир а.а – Ж.Сүхбат а.а
3. Б.Уртбаяр а.а – Ё.Улсболд с.з
4. Б.Бадамсүрэн а.з – П.Батсүх а.н.н

Дөрвийн даваа
1. Ш.Уламбаяр у.ө.и.н – Б.Бадамсүрэн а.з
2. Ж.Сүхбат а.а – Б.Уртбаяр а.а

Тавын даваа
1. Ш.Уламбаяр у.ө.и.н – Б.Уртбаяр
 

МУИС-ийн оюутан Т.Түмэндэмбэрэл