Дарханд болсон барилдаан

Дархан-Уул аймгийн Дархан хотод у.н Ч.Баянмөнх, а.а А.Амараа, Б.Сүхбаатар нараар манлайлуулсан хүчит 128 бөх зодоглон барилджээ.
Бөхийн барилдааны гурвын даваанд Сэлэнгэ аймгийн харьяат, аймгийн шинэ начин Н.Мягмар а.з Э.Саранбаатарыг, Өвөрхангай аймгийн харьяат а.х Б.Лхагва-Очир а.з Б.Болдбаатарыг, Ховд аймгийн харьяат а.н Б.Отгонцоож а.з Энхтүвшинг, Увс аймгийн харьяат а.н Н.Баттогтох а.з Х.Мягмарсүрэнг, Шарын гол сумын харьяат а.х Ж.Бадрал Сэлэнгэ аймгийн Сант сумын заан Б.Баатарболдыг, Ховд аймгийн харьяат, аймгийн нэмэх начин Ц.Адьяа Сэлэнгийн шинэ начин Х.Чинбатыг, Өвөрхангай аймгийн харьяат а.н Х.Гантулга Сэлэнгэ аймгийн Орхонтуул сумын заан Н.Ширчинхүүг тус тус өвдөг шороодуулсан бол Ховдын залуус тунаж, а.н Б.Тайван давжээ.
Дөрвийн даваанд а.н Б.Тайван Увс аймгийн харьяат а.а Г.Дамдинхүүг, а.н.н Ц.Адьяа а.а Даваасамбуугийн Батбаярыг тус тус өвдөглүүлсэн бол а.а С.Ерөөлт а.н Х.Гантулгыг, а.а Н.Эрдэнэчулуун а.х Ж.Бадралыг, а.а Б.Уугандаваа а.х Б.Лхагва-Очирыг давж шөвгөрсөн байна.
Тавын даваанд у.н Ч.Баянмөнх а.а Б.Уугандавааг амлаж өвдөглүүлсэн бол а.а Б.Сүхбаатар а.а А.Амараагаар давсан байна. А.а С.Ерөөлт а.н.н Ц.Адьяаг амласан ч өвдөг шороодож тунасан хоёрын барилдаанд Б.Тайван давжээ.
Их шөвөгт “өндөр” начин а.а Б.Сүхбаатарыг өвдөг шороодуулж тунасан аймгийн начингуудын барилдаанд Дарвийн Тайван давав.
Үзүүрт улсын начин Ч.Баянмөнх давж энэ өдрийн түрүү бөхөөр тодорсон байна. Начны хувьд бэлтгэл жигдэрч, бие жагсаж байгаа аж. Өнөө жил наадмаар нэгийг дуулгах болов уу.
Үзүүрт үлдсэн Ховд аймгийн Дарви сумын харьяат а.н Бальдаржамцын Тайвангийн хувьд аймгийн арслан цолд хүрэхүйц барилдааны ур чадвартай бөх бөгөөд өнөө жилийн сар шинийн барилдаанд залуу гарьд Ж.Бат-Эрдэнийг шуудагнаас илүүрхэн давсныг үзэгчид маань санаж байгаа биз ээ.
Их шөвөгт үлдсэн аймгийн арслан Батмөнхийн Сүхбаатар тогтмол бэлтгэлгүй ч аргагүй лут гэдгээ харуулж шөвгөрсөн бол Ховд аймгийн Мөст сумын харьяат аймгийн нэмэх начин Цэвээнпүрэвийн Адьяа цагаан сараар Батмөнх зааныг хаяснаа баталгаажуулсан байна.
Оноолтыг гурвын даваанаас харна уу.

Гурвын даваа

1.у.н Ч.Баянмөнх - с.х Бадамдорж
2. а.а А.Амараа - с.з Батмөнх Увс
3.а.а Г.Дамдинхүү - с.з Оргил Да
4. а.а Б.Сүхбаатар - с.з Ганбаатар Сэлэнгэ
5. а.а С.Ерөөлт - с.з Төмөрбаатар Арх
6. а.а Давс.Батбаяр - с.з Ц.Энхтүвшин Дорнод
7. а.а Н.Эрдэнэчулуун - с.з О.Есөн-Эрдэнэ Хо
8. а.а Б.Уугандаваа - с.з Хүдэрбаатар
9. а.з Э.Саранбаатар - а.н Н.Мягмар
10. а.з Б.Болдбаатар - а.х Б.Лхагва-Очир
11. а.з Энхтүвшин - а.н Б.Отгонцоож
12. а.з Х.Мягмарсүрэн - а.н Баттогтох Увс
13. а.х Ж.Бадрал - с.з Б.Баатарболд
14. а.н.н Ц.Адъяа - а.н Х.Чинбат
15. а.н Х.Гантулга - с.з Н.Ширчинхүү
16. а.н Б.Тайван - с.з Б.Баянмөнх
 
Дөрвийн даваа

1. у.н Ч.Баянмөнх - а.н Н.Мягмар
2. а.а А.Амараа – а.н Б.Отгонцоож
3. а.а Г.Дамдинхүү – а.н Б.Тайван
4. а.а Б.Сүхбаатар - а.н Н.Баттогтох
5. а.а С.Ерөөлт - а.н Х.Гантулга
6. а.а Давс.Батбаяр – а.н.н Ц.Адъяа
7. а.а Н.Эрдэнэчулуун – а.х Ж.Бадрал
8. а.а Б.Уугандаваа - а.х Б.Лхагва-Очир

Тавын даваа

1. у.н Ч.Баянмөнх – а.а Б.Уугандаваа
2. а.а А.Амараа – а.а Б.Сүхбаатар
3. а.а С.Ерөөлт – а.н.н Ц.Адъяа
4. а.а Н.Эрдэнэчулуун – а.а Б.Тайван

Зургаагийн даваа

1.у.н Ч.Баянмөнх – а.а Б.Сүхбаатар
2. а.н.н Ц.Адъяа – а.н Б.Тайван

Долоогийн даваа

1. у.н Ч.Баянмөнх – а.н Б.Тайван

МУИС-ийн оюутан Т.Түмэндэмбэрэл