Төрийн хишигт шинэхэн цолтнууд

Улсын баяр наадмыг зохион байгуулах комиссоос өргөн мэдүүлсэн саналыг үндэслэн Монгол Улсын Ерөнхийлөгч Ц.Элбэгдорж ХYII  жарны “Ялгуусан” хэмээх хөх модон морин жилийн босгон дээр зарлиг гаргаж олон жил хурдан морины уяа сойлго тааруулж улсын хэмжээний наадмуудаас айраг, түрүү хүртсэн нэр бүхий уяачдад улсын цол хүртээлээ. Уяачдын цолыг Ерөнхийлөгчийн Тамгын газрын дарга П.Цагаан гардуулан өгөв.
Монгол Улсын Тод манлай уяач цолоор Хэнтий аймгийн Биндэр сумын уугуул, Манлай уяач  Батхүрэлийн Бат-Өлзий, Завхан аймгийн Улиастай сумын уугуул, Алдарт уяач  Дашзэвэгийн Дагвадорж, Завхан аймгийн Цэцэн-Уул  сумын уугуул, Манлай уяач Бэгзсүрэнгийн Содномцог,  Төв аймгийн Сэргэлэн сумын уугуул, Манлай уяач Банзрагчийн Жанчив нарыг
Монгол Улсын Манлай уяач цолоор Булган аймгийн Гурванбулаг сумын уугуул, Алдарт уяач Пүрэвийн Мэндбаяр, Төв аймгийн Баян сумын уугуул Миеэгомбын Энхболд, Булган аймгийн Гурванбулаг сумын уугуул, Алдарт уяач Дамбын Хишигжаргал,  Төв аймгийн Баянжаргалан сумын уугуул, Алдарт уяач Галбадрахын Баттөмөр нарыг,
Монгол Улсын Алдарт уяач цолоор Ховд аймгийн Чандмань сумын уугуул  Батчулууны Ерөөлт, Дорноговь аймгийн Иххэт сумын уугуул  Тогтохбуянгийн Лхасүрэн, Төв аймгийн Баянцогт сумын уугуул Сумъяасүрэнгийн Ганзориг, Сүхбаатар аймгийн Халзан сумын уугуул Рагчаагийн Ооёо, Говь-Алтай аймгийн Баян-Уул сумын уугуул Пүрэвдоржийн Алтансүх, Завхан аймгийн Дөрвөлжин сумын уугуул Дайдийхүүгийн Баяраа, Ховд аймгийн Дарви сумын уугуул Түвдэнхүүгийн Батцоож, Дундговь аймгийн Хулд сумын уугуул Бандиагийн Баярсайхан, Завхан аймгийн Эрдэнэхайрхан сумын уугуул Намжилцэрэнгийн Даш-Өлзий нарыг тус тус шагналаа.
А.Тэлмэн