Их богд дэвжээний сар шинийн барилдаан боллоо

Баянхонгор аймгийн Их Богд дэвжээний сар шинийн барилдаан боллоо. Барилдаанд у.н Ж.Чулуунбат, а.а Р.Дамдин, Д.Энхбат, Б.Эрдэнэхүү, Б.Бат-Орших, Давж.Батбаяр нараар манлайлуулсан хүчит 64 бөх барилдсан байна. Мөн Баянбулаг сумын харьяат а.з Н.Золбоо чөлөөт бөхийн тэмцээн давхцсан тул зодоглож амжсангүй .Энэ удаагийн барилдааныг Баянцагаан сумын нутгийн зөвлөлөөс ивээн тэтгэж зохион байгуулсан байна.
Бөхийн барилдааны хоёрын даваанд с.н Б.Дорждагва а.а Р.Дамдинг, Баянлиг с.н Болдбаатар а.н Ж.Наранпүрэвийг тус тус өвдөг шороодуулсан бол давааны төгсгөлд аралтай бяртай сумын заанууд болох Ч.Энхтөр А.Бат-Эрдэнэ нар оноолт таарч Бууцагааны Чимэддансрангийн Энхтөр давжээ.
Гурвын давааны төгсгөлд Хонгор нутгийн шилдэг заанууд болох Хүрээмаралын Ганзоригийн Жамбалдорж Жинстийн Төмөрийн Дүүрэнсаран нар тунан барилдаж ногоон зодогт Жамбалдорж давсан байна. Энэ хоёр залуу МБӨ-д болж буй сумын заануудын барилдаанд нутаг орныхоо нэрийг гарган дээгүүр барилдаж байгаа төдийгүй өнгөрсөн жил аймгийн наадамд хоёул 4 даваад өвдөг шороодсон ахих цол алхамд буй залуус юм.
Дөрвийн оноолтод начин Ж.Чулуунбат с.з Г.Жамбалдоржийг, а.а Д.Энхбат а.х Д.Бямбасүрэнг,  Б.Эрдэнэхүү а.з Т.Эрдэнэтуулыг, а.а Б.Бат-Орших а.а Давж.Батбаярыг тус тус өвдөг шороодуулав.
Их шөвөгт үлдсэн дөрвөн бөхийг тойргийн журмаар барилдуулахад Баянбулаг сумын харьяат аймгийн арслан Д.Болдын хүү а.а Эрдэнэхүү гурав даван түрүүлж, Богд сумын харьяат түрүү сарын түрүү бөх а.а Батсуурийн Бат-Орших үзүүрлэж, Бууцагаан сумын харьяат у.н Жаргалсайханы Чулуунбат , Баянбулаг сумын харьяат а.а Даш-Очирын Энхбат нар удаалсан байна.
Барилдааны уран барилдааны шагналыг сумын заан Г.Жамбалдоржид олгосон бол ирэх сарын барилдааныг Баацагаан сум зохион байгуулахаар тогтжээ. Мөн барилдааны үеэр нутгийн дуучид болох Н.Баасандорж, Д.Нямжав нар ирж ая дууны эгшгэн цэнхэр хадаг өргөжээ.
Оноог 3-ын даваанаас харна уу.
Гурвын даваа
1. Ж.Чулуунбат у.н – Дорждагва с.н
2. Д.Энхбат а.а – Болдбаатар с.н
3. Б.Эрдэнэхүү а.а – Ч.Энхтөр с.з
4. Б.Бат-Орших а.а – Алтангэрэл с.з
5. Давж.Батбаяр – А.Эрдэнэмөнх с.з
6. Т.Эрдэнэтуул а.з – Ж.Баярдамба а.н
7. Д.Бямбасүрэн а.х – Т.Түмэнбаяр а.н
8. Г.Жамбалдорж с.з – Т.Дүүрэнсаран с.з
Дөрвийн даваа
1. Ж.Чулуунбат у.н – Г.Жамбалдорж с.з
2. Д.Энхбат а.а – Д.Бямбасүрэн а.х
3. Б.Эрдэнэхүү а.а – Т.Эрдэнэтуул а.з
4. Б.Бат-Орших а.а – Давж. Батбаяр а.а
5. 
 Эзэлсэн байр
1 Б.Эрдэнэхүү I байр /3 оноогоор /
2.Б.Бат-Орших II байр /2 оноогоор/

3.Ж.Чулуунбат  III байр /1 оноогоор/
4. Д.Энхбат  IV  байр /0 оноогоор/